بەغدا - INA
ئەمڕۆ دووشەممە ، سەرۆک کۆمار، نزار ئامێدی، جەختی کردەوە لەسەر گرنگیی هەنگاونان لە سەرجەم ڕێڕەوەکاندا بۆ بەهێزکردنی ئاشتی و چەسپاندنی شکۆی دەوڵەت و سەروەرییەکەی.
سەرۆک کۆمار نزار ئامێدی لە گوتارێکدا بە بۆنەی ڕۆژی ئەندازیاری عێراقی، کە هاوکاتە لەگەڵ ساڵیادی دامەزراندنی سەندیکای ئەندازیارانی عێراق و ئاژانسی هەواڵی عێراقی (INA) بەدواداچوونی بۆ کردووە، ڕایگەیاند: "ئەندازیاری عێراقی هەمیشە لە مەیدانەکانی ئاوەدانکردنەوە و گەشەپێداندا ئامادەیی هەبووە، سەرەڕای ئەو بارودۆخە نائاساییانەی کە عێراق پێیدا تێپەڕیوە، و توانای خۆی بۆ بەدیهێنانی سەرکەوتن و باڵادەستی لە ناوەوە و دەرەوەی وڵاتدا سەلماندووە".
سەرۆک کۆمار جەختی کردەوە لەسەر "گرنگیی هەنگاونان لە سەرجەم ڕێڕەوەکاندا بۆ بەهێزکردنی ئاشتی، چەسپاندنی شکۆی دەوڵەت و سەروەرییەکەی، و بەرزکردنەوەی ئاستی سیاسەتە داراییەکان و چالاککردنی جووڵەی ئابووری"، و گوتیشی: "ئێمە بە قۆناغێکی مێژوویی نائاساییدا تێپەڕ دەبین کە پێویستی بە بەرپرسیارێتیی نیشتمانی و یەکخستنی هەوڵەکانی سەندیکاکان، زانکۆکان، کەرتی تایبەت و دامەزراوەکانی دەوڵەت هەیە بۆ پاڵپشتیکردنی هەوڵەکانی حکومەت لە بوارە جیاجیاکاندا".
ئەوەشی خستە ڕوو: "ئەندازیاری عێراقی، لە ماوەی قۆناغە جیاوازەکاندا، لە مەیدانەکانی ئاوەدانکردنەوە و گەشەپێداندا ئامادە بووە، سەرەڕای ئەو تەحەددی و بارودۆخە نائاساییانەی ڕووبەڕووی عێراق بوونەتەوە، و توانای خۆی بۆ بەدیهێنان و باڵادەستی لە ناوەوە و دەرەوەی وڵاتدا سەلماندووە".
سەرۆک کۆمار ئاماژەی بەوەشکرد: "ئەمڕۆ لە وڵاتەکەماندا پێویستی بە ئەندازیاران لە پسپۆڕییە جیاوازەکانیاندا، وەک پێویستییەکی بنەڕەتی دەردەکەوێت بۆ بنیاتنانی ئابوورییەکی بەهێز، ژێرخانێکی پێشکەوتوو و ڕووبەڕووبوونەوەی تەحەددییەکانی شوێنەوارەکانی گۆڕانی کەشوهەوا".
ئاماژەی بەوەشکرد: "عێراقییەکان درک بە گرنگیی ئەم قۆناغە مێژووییە نائاساییە دەکەن، کە جەخت لەسەر پێویستیی بەرپرسیارێتیی نیشتمانی و هاوکاریی هەوڵەکانی سەندیکاکان، زانکۆکان، کەرتی تایبەت و دامەزراوەکانی دەوڵەت دەکاتەوە، لە پێناو پاڵپشتیکردن و بەهێزکردنی هەوڵەکانی حکومەت لە بوارە جیاجیاکاندا و دروستکردنی داهاتوویەک کە شایستە بە ڕۆڵەکانی گەلەکەمان بێت".