وەزارەتی ئاوەدانکردنەوە: پێشەکی کڕینی یەکەکانی شاری عەلی وەردی لە 5% دەستپێدەکات و بە میکانیزمێکی نەرم دەبێت

بەغدا ـ INA ـ ئامینە سەلامی

ئەمڕۆ دووشەممە ، وەزارەتی ئاوەدانکردنەوە و نیشتەجێکردن، جەختی کردەوە کە پشکی دەوڵەت لە شاری عەلی وەردی 12000 یەکەی نیشتەجێبوونە، لە هەمان کاتدا ئاماژەی بەوە کرد کە قۆناغی یەکەمی پڕۆژەکە لە ماوەی 5 ساڵدا تەواو دەبێت.

وتەبێژی وەزارەت، نەبیل سەفار، لە ڕاگەیەندراوێکدا بۆ ئاژانسی هەواڵی عێراقی (INA) ڕایگەیاند: "پشکی دەوڵەت لە یەکەکانی نیشتەجێبوون لە شاری عەلی وەردی گەیشتووەتە 12000 یەکە، کە دەکاتە 10%ی کۆی گشتی یەکەکانی شارەکە".

ڕوونیشیکردەوە کە "ڕادەستکردنی ئەم یەکانە لەگەڵ بەدەستهێنانی ڕێژەکانی جێبەجێکردن بەدوای یەکدا دەبێت"، ئاماژەی بەوەش کرد "ماوەی زەمەنی بۆ تەواوکردنی قۆناغی یەکەم لە نێوان 4 بۆ 5 ساڵ دەبێت".

ئاماژەی بەوەشکرد: "نرخی ئەو یەکە نیشتەجێبوونانەی خراونەتە ڕوو بۆ هاوڵاتییان، لە ڕێگەی سەنتەری فرۆشتنی شارەکەوە بەردەستن"، ئاماژەی بەوەش کرد "چەندین نموونەی جیاواز هەن کە لە ڕووی ڕووبەر و جۆری بونیادنانەوە جیاوازن".

ئاماژەی بەوەش کرد "میکانیزمی پێدانی پارە بریتییە لە پێشەکییەک کە لە نێوان 5% بۆ 10% دەبێت، لەگەڵ خشتەی کاتیی نەرم بۆ باقی قیستەکان"، باسی لەوەش کرد "هاوڵاتییان دەتوانن سەردانی سەنتەری فرۆشتن بکەن بۆ بینینی نموونە بەردەستەکان".