نێودەوڵەتی – INA
دۆناڵد ترامپ سەرۆکی ئەمریکا جەختی کردەوە لەوەی ئێران دەیوێت ویلایەتە یەکگرتووەکانی ئەمریکا کۆتایی بە گەمارۆ دەریاییەکەی بهێنێت.
ترامپ لە لێدوانێکی ڕۆژنامەوانیدا ڕایگەیاند: "ئارامگریم زۆرە و کاتێکی زۆرم لەبەر دەستدایە،" ئاماژەی بەوەش کرد کە "ئەگەری گەیشتن بە ڕێککەوتن لەگەڵ ئێراندا هەیە، و ئەوان ئارەزوو دەکەن کۆببنەوە بۆ دانوستاندن."
وتیشی: "پێم وایە دەرفەتێک بۆ گفتوگۆ لەگەڵ ئێراندا هەیە، ئەگەر وابێت ئەوا باشە، دەنا دەگەڕێینەوە سەر بۆردومانکردن،" لێدوانیشی دا کە "ویلایەتە یەکگرتووەکان گفتوگۆی زۆر دۆستانە لەگەڵ ئێراندا ئەنجام دەدات."
ترامپ ئاماژەی بەوەش کرد کە "ئێران دەیوێت ویلایەتە یەکگرتووەکان کۆتایی بە گەمارۆ دەریاییەکەی بهێنێت،" و جەختیشی کردەوە کە "واشنتن سەرمایە سڕکراوەکانی ئێران بەکار دەهێنێت بۆ قەرەبووکردنەوەی ئەو زیانانەی لە ئەنجامی هێرشەکانی ئێرانەوە کەوتوونەتەوە."
