بەغدا – INA
ئەمڕۆ دووشەممە، دەزگای ئاسایشی نیشتمانی، ئاماری ئۆپراسیۆنەکانی لە دەروازەکان و بازگەکان لە ماوەی (48) کاتژمێری ڕابردوودا ڕاگەیاند.
وتەبێژی دەزگاكە، ئەرشەد حاکم، بۆ ئاژانسی هەواڵی عێراقی (INA) وتی: "ئاماری ئەرکەکانی دەزگاکە لە دەروازە سنورییەکان و بازگەکان لە ماوەی (48) کاتژمێری ڕابردوودا بەم شێوەیەیە:
جێبەجێکردنی (31) حاڵەتی دەستبەسەرداگرتن لە دەروازە سنورییەکان و بازگەکان.
دەستگیرکردنی (29) تۆمەتبار لە کەیسەکانی ماددە هۆشبەرەکان، ساختەکاری، تیرۆر، و سەرپێچیکردنی مەرجەکانی نیشتەجێبوون.
وەرگرتنەوەی داواکراوێک بەپێی ماددەی (4) لە یاسای بەرەنگاربوونەوەی تیرۆر لە فرۆکەخانەی نێودەوڵەتیی بەغدا دوای هێنانەوەی بۆ عێراق، و دەستگیرکردنی بە شێوەیەکی یاسایی و ڕەوانەکردنی بۆ لایەنە یاساییە تایبەتمەندەکان.
دەستبەسەرداگرتنی (3,103) پارچە دەرمان کە سەرپێچی ڕێنمایی و یاسا بەرکارەکانیان کردووە.
لەناوبردنی (1,450) کارتۆن لە ماددەی خۆراکیی نەشیاو بۆ بەکارهێنانی مرۆڤ بەپێی ڕێکارە یاساییەکان."
