بە گوێرەی خشتەی ڕاگەیاندراوی کۆشکی سپی دۆناڵد ترامپ سەرۆکی ئەمەریکا و مێلانیا ترامپ خانمی یەکەمی ئەمەریکا لە یاریی کۆتایی جامی جیهانی ئامادە دەبن.
ڕۆژی هەینی سەرۆکی ئەمەریکا لە بۆنەیەکی تایبەت بە فیفا لە ترامپ تاوەر لە نیویۆرک بەشدار دەبێت.
ڕۆژی شەممە و ڕۆژی یەکشەممە سەرۆک ترامپ لە یاریگای نیشتمانیی ترامپ بۆ گۆڵف لە بێدمینیستەری نیوجێرسی دەبێت. دواتر دەچێت بۆ یاریگای مێتلایف بۆ سەیرکردنی یاریی کۆتایی جامی جیهانی.
یاریی کۆتایی جامی جیهانی لە نێوان هەردوو هەڵبژاردەی ئەرجەنتین و ئیسپانیا بەڕێوە دەچێت و بینەرێکی زۆری لە تەواوی جیهان کۆ کردووەتەوە.
شایەنی باسە چەند مانگێک لەمەوبەر سەرۆکی ئەمەریکا لە کۆشکی سپی پێشوازی لە لیۆنێڵ میسی یاریزانی هەڵبژاردەی ئەرجەنتین و یانەی ئینتەر مەیامیی ئەمەریکا کرد.
