بەدواداچوون - INA
ئەمڕۆ دووشەممە، وەزارەتی دەرەوەی ئێران، جەختی کردەوە کە یاداشتی لێکتێگەیشتن لەگەڵ لایەنی ئەمریکیدا کۆتایی هاتووە.
گوتەبێژی وەزارەتی دەرەوە و شاندی دانوستانکاری ئێران، ئیسماعیل بەقایی، لە کۆنگرە ڕۆژنامەوانییە هەفتانەیەکەیدا کە ئاژانسی هەواڵی عێراقی (INA) بەدواداچوونی بۆ کردووە، ڕایگەیاند: "سڵاو دەکەم لە گەلی عێراق و سەرجەم ئازادیخوازانی جیهان کە وەفاداریی خۆیان پێشاندابوو و بەشدارییان کرد لە مەراسیمی بەخاکسپاردنی شەهید سەید عەلی خامنەیی، بە هەمان شێوە سڵاو لە گەلی ئێران دەکەین کە شایەتی زۆر مەینەتی بووە، بەڵام چۆکی دانەداوە، و سەرەڕای هەموو ئەو ڕووبەڕووبوونەوانەی هاتوونەتە پێشی، بە عیزەت و کەرامەتەوە بە خۆڕاگری ماوەتەوە".
ئاماژەی بەوەشکرد: "تاران داواکارییەکانی گەل لە ئێراندا دەخاتە نێو ئەجێندای کارەکانی و لەبەرچاویان دەگرێت، کە داوای تۆڵەسەندنەوەی خوێنی شەهید سەید خامنەیی دەکەن".
لەسەر ئاستی نێودەوڵەتیش، بەقایی جەختی کردەوە کە "وڵاتەکەی سەرجەم هۆکار و دەرفەتە بەردەستەکان بەکاردەهێنێت بۆ دۆکیۆمێنتکردنی ئەو تاوانانەی ئەنجامدراون و کارکردن لەپێناو بەدیهێنانی دادپەروەری بۆ گەلی ئێران".
لە ەکەدا ڕایگەیاند کە "کەشوهەوای میدیایی بەسەر گەلی ئێراندا تێپەڕ نابێت و ئێمە بەردەوام دەبین لە هەوڵەکانمان بۆ بەدیهێنانی دادپەروەری، باجی هەرچییەک بێت"، و تیشکی خستە سەر ئەوەی کە "ڕێککەوتنی یاداشتی لێکتێگەیشتنەکە کۆتایی هاتووە، و لایەنی ئەمریکی خۆیەتی کە بە شێوازێکی ڕوون ڕێککەوتنەکە پێشێل دەکات".
