بەغدا – INA
بەڕێوەبەرایەتیی گشتیی کاروباری ماددە هۆشبەرەکان، ئەمڕۆ پێنجشەممە، دەستبەسەرداگرتنی ٥١ کیلۆگرام حەبی کەپتاگۆن و دەستگیرکردنی دوو تۆمەتباری ڕایگەیاند، کە یەکێکیان ڕەگەزنامەی عەرەبی هەیە.
بەگوێرەی ڕاگەیەندراوێکی بەڕێوەبەرایەتییەکە، کە بۆ ئاژانسی هەواڵی عێراقی (INA) نێردراوە ڕایگەیاند: "تیمەکانی بەڕێوەبەرایەتیی گشتیی کاروباری ماددە هۆشبەرەکان و کارتێکەرە عەقڵییەکان، کە لە بەشەکانی لێکۆڵینەوەی تایبەت و چاودێریی نهێنی پێکهاتبوون، توانییان دوو ئۆپەراسیۆنی ئەمنیی جیاواز ئەنجام بدەن."
لە ڕاگەیەندراوەکەدا ئاماژە بەوە کراوە کە لە ئەنجامی ئەو ئۆپەراسیۆنانەدا، دوو تۆمەتباری مەترسیدار دەستگیر کراون کە یەکێکیان ڕەگەزنامەی عەرەبی هەیە، هاوکات دەستبەسەر ٥١ کیلۆگرام حەبی هۆشبەری جۆری (کەپتاگۆن)دا گیراوە.
بەڕێوەبەرایەتییەکە جەختی لەوە کردووەتەوە کە تەواوی ڕێکارە یاساییەکان بەرامبەر تۆمەتبارەکان گیراونەتە بەر و ڕەوانەی لایەنە دادوەرییە پسپۆڕەکان کراون تاوەکو سزای دادپەروەرانەی خۆیان وەربگرن.
