بەغداد – INA
وەزارەتی دەرەوە، ئەمڕۆ سێشەممە، سەرکۆنە و ڕەتکردنەوەی توندی خۆی بۆ ئەو پلانە تیرۆریستییانە دەربڕی کە دەسەڵاتە ئەمنییەکانی مەغریب پووچەڵکردنەوەیان ڕاگەیاندبوو.
نووسینگەی ڕاگەیاندنی وەزارەتی دەرەوە لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "وەزارەتی دەرەوە سەرکۆنە و ڕەتکردنەوەی توندی خۆی دەردەبڕێت بۆ ئەو پلانە تیرۆریستییانەی کە دەسەڵاتە ئەمنییەکانی مەغریب پووچەڵکردنەوەیان ڕاگەیاندووە، کە شوێنە هەستیارەکانیان دەکردە ئامانج و هەڕەشەیان لە ئاسایشی مەغریب و سەلامەتیی هاووڵاتیانی دەکرد".
له راگهیندراوهكهی وهزیری دهرهوه ئهوهیش هاتووه كه: "وەزارەتی دەرەوە جەخت دەکاتەوە کە ئەم پلانە تاوانکارییانە پێشێلکارییەکی زەقن دژی ئاسایش و سەقامگیریی دەوڵەتان، و هەڕەشە لە ئاشتی و ئاسایش دەکەن"، جارێکی تر "هەڵوێستی نەگۆڕ و ڕەتکەرەوەی عێراقی بۆ تیرۆر بە سەرجەم شێواز و وێنەکانیەوە دووپات کردەوە، دژی هەر شتێک کە ببێتە هۆی شڵەژاندنی ئاسایشی کۆمەڵگەکان و ترساندنی مەدەنییەکان".
لە کۆتاییدا ئاماژەی بەوە کردووە: "هەروەها وەزارەتی دەرەوە هاوسۆزیی تەواوی عێراق لەگەڵ مەغریب، و پاڵپشتیی خۆی بۆ ئەو ڕێوشوێنانە دەربڕی کە دەیانگرێتەبەر بۆ پاراستنی ئاسایش و سەقامگیریی خۆی"، هاوكات ستایشی "بێداری و کارایی دەزگا ئەمنییەکانی مەغریبی کرد لە پووچەڵکردنەوەی ئەم پلانە تیرۆریستییانەدا".
