بەغدا – INA
ئەمڕۆ دووشەممە، وەزیری دەرەوە، فوئاد حوسێن، جەختی لەسەر پەرۆشیی عێراق کردەوە بۆ بەردەوامبوونی بەهێزکردنی پەیوەندییەکانی لەگەڵ کۆماری نەمسا.
لە ڕاگەیەندراوێکی وەزارەتەکەدا کە دەستی ئاژانسی هەواڵی عێراقی (INA) کەوتووة، هاتووە: "وەزیری دەرەوە، فوئاد حوسێن، پێشوازیی لە باڵیۆزی کۆماری نەمسا لە کۆماری عێراق، ئەندۆیاس ناسی کرد لە باڵەخانەی وەزارەت، ئەمەش بە بۆنەی کۆتاییهاتنی ئەرکە دپلۆماسییەکانی لە عێراقدا".
لە سەرەتای دیدارەکەدا، وەزیر "پێزانینی خۆی بۆ ئەو هەوڵانە دەربڕی کە باڵیۆزی نەمسا لە ماوەی کارکردنیدا پێشکەشی کردبوون"، هاوكات ستایشی "ڕۆڵی ئەوی کرد لە بەهێزکردنی پەیوەندییە دووڵایەنەکانی نێوان کۆماری عێراق و کۆماری نەمسا، و گەشەپێدانی چوارچێوەکانی هاوکاریی هاوبەش لە بوارە جیاوازەکانی جێی بایەخی هەردوولادا".
ئاماژەی بەوەشکرد: "وەزیر جەختی لەسەر پەرۆشیی عێراق کردەوە بۆ بەردەوامبوونی بەهێزکردنی پەیوەندییەکانی لەگەڵ کۆماری نەمسا، بە شێوازێک کە خزمەت بە بەرژەوەندییە هاوبەشەکانی هەردوو وڵاتی دۆست بکات، هاوکات هیوای سەرکەوتن و بەختی باشی بۆ باڵیۆز ئەندۆیاس ناسی لە ئەرکەکانی داهاتوودا خواست".
لە لایەن خۆیەوە، باڵیۆزی نەمسا "سوپاس و پێزانینی خۆی بۆ ئەو پاڵپشتی و هاوکارییە دەربڕی کە لە ماوەی کارکردنیدا لە عێراق پێشکەشی کراوە"، و جەختی لە شانازیبوونی خۆی بەو پەیوەندییانەوە کردەوە کە دوو وڵاتەکە بەیەکەوە دەبەستنەوە، هاوكات ستایشی ئەو هەوڵانەشی کرد کە لەلایەن حکومەتی عێراقەوە بۆ بەدیهێنانی گەشەپێدان و بەهێزکردنی سەقامگیری لە کەرتە جیاوازەکاندا دەدرێن.
