بەغداد - INA
کۆمپانیای نەوتی میسان، ئەمڕۆ سێشەممە، دەستپێکردنەوەی کارەکانی کۆمەڵگەکانی چارەسەرکردنی لە کێڵگەی حەلفایە و گەڕاندنەوەی سەرجەم یەکە بەرهەمهێنەرەکانی بۆ سەر کار ڕاگەیاند، بە توانایەکی بەرهەمهێنان کە گەیشتووەتە 350 هەزار بەرمیل لە ڕۆژێکدا.
کۆمپانیاکە لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "کۆمپانیای نەوتی میسان دەستی کردووەتەوە بە خستنەگەڕی کۆمەڵگەکانی چارەسەرکردن لە کێڵگەی حەلفایە و سەرجەم یەکە بەرهەمهێنەرەکانی گەڕاندووەتەوە بۆ سەر کار بە توانای 350 هەزار بەرمیل لە ڕۆژێکدا، ئەمەش دوای تێپەڕاندنی ئەو بارودۆخە نائاساییەی کە هاوشانی پێشهاتە ئەمنییەکان و شەڕی ناوچەیی ئەم دواییانە بوو، و بووە هۆی ڕاوەستانی هەناردەکردنی نەوت".
لە راگهیندراوهكهدا هاتووە کە "دووبارە خستنەگەڕی کۆمەڵگەکانی چارەسەرکردن بە بەدواداچوونی بەڕێوەبەری گشتیی کۆمپانیای نەوتی میسان، حوسێن کازم لعێبی، و بەڕێوەبەری دەستەی حەلفایە، یووسف جەبار مەنسوور، و بەڕێوەبەری بەشی دامەزراوە سەر زەوییەکان، مەیسەم عەبدوڵا سەلمان بووە، بە مەبەستی دەستەبەرکردنی سەقامگیریی پرۆسە کارگێڕییەکان و بەدیهێنانی پلانە بەرهەمهێنەرەکان، بەپێی ڕێنماییەکانی سەرکردایەتیی کەرتی نەوت لە وەزارەتی نەوت".
ئاماژەی بەوەش کرد کە "کێڵگەی حەلفایە بە یەکێک لە گەورەترین کێڵگە نەوتییەکان لە پارێزگای میسان دادەنرێت کە توانای بەرهەمهێنانی دەگاتە 400 هەزار بەرمیل لە ڕۆژێکدا، و سێ کۆمەڵگەی سەرەکی بۆ چارەسەرکردنی نەوتی خاو لەخۆدەگرێت کە بریتین لە (CPF1) و (CPF2) و (CPF3)، جگە لە وێستگەی چارەسەرکردنی غاز (GPP) و چەندین دامەزراوەی پاڵپشتیکاری تایبەت بە چارەسەرکردنی ئاو، وزە و هەناردەکردن".
لە درێژەی راگهیندراوهكهدا هاتووە: "لە چوارچێوەی بەدۆکیۆمێنتکردنی هەوڵەکانی دووبارە خستنەگەڕەکەدا، کادانی ڕاگەیاندنی کۆمپانیای نەوتی میسان سەردانێکی مەیدانییان بۆ سێیەم کۆمەڵگەی ناوەندیی چارەسەرکردن (CPF3) ئەنجامدا، بە هاوڕێیەتی کادیرانی هۆبەی پرۆسەکان سەر بە بەشی دامەزراوە سەر زەوییەکان لە دەستەی بەڕێوەبردنی کێڵگەی حەلفایە، بۆ ئاگاداربوون لە بەڕێوەچوونی پرۆسە کارگێڕییەکان و ڕێوشوێنە تەکنیکییە نەگیراوەکان بۆ دەستپێکردنەوەی بەرهەمهێنان".
سەرنجی بۆ ئەوەش ڕاکێشا کە "سێیەم کۆمەڵگەی ناوەندیی چارەسەرکردن (CPF3) بە یەکێک لە گرنگترین دامەزراوە بەرهەمهێنەرەکان لە کێڵگەکەدا دادەنرێت، بەوپێیەی توانای نەخشێنراوی (دیزاینەکەی) 200 هەزار بەرمیلە لە ڕۆژێکدا، و ئەرکی جیاکردنەوەی نەوتی خاو لە غازی هاوڕێ و ئاوی بەرهەمهاتوو، و چارەسەرکردنی نەوت بەپێی تایبەتمەندییە داواکراوەکان دەگرێتە ئەستۆ، جگە لە ناردنی غازەکە بۆ وێستگەی چارەسەرکردنی غاز (GPP) و گواستنەوەی ئاوە هاوڕێکە بۆ یەکەکانی چارەسەرکردن و دەرزی لێدان (حقن)".
ئەوەشی خستەڕوو کە "پرۆسەکانی خستنەگەڕ لە کۆمەڵگەکانی چارەسەرکردن لە کێڵگەی حەلفایە لەلایەن کۆمپانیای پترۆچاینای چینی (PetroChina) وەک بەڕێوەبەری سەرەکیی کێڵگەکە ئەنجام دەدرێن، لە کاتێکدا کادیرانی دەستەی حەلفایە سەر بە کۆمپانیای نەوتی میسان بە شێوەیەکی مەیدانی بەدواداچوون بۆ پرۆسە کارگێڕییەکان دەکەن، و سەرپەرشتی جێبەجێکردنی پلانە بەرهەمهێنەرەکان و چاودێریکردنی ئەدای کارگێڕی و پابەندبوون بە پێوەرە تەکنیکییە پەسەندکراوەکان دەکەن، بە جۆرێک کە سەقامگیریی بەرهەمهێنان و بەردەوامیی کارکردنی دامەزراوە نەوتییەکان لە کێڵگەکەدا دەستەبەر بکات".
