بەغداد – INA
سەرۆک کۆمار نزار ئامێدی، جەختی کردەوە لەسەر گرنگی تەواوکردنی کابینەی وەزاری و ڕاپەڕاندنی شایستە نیشتمانییەکان.
نووسینگەی ڕاگەیاندنی سەرۆک کۆمار لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "سەرۆک کۆمار نزار ئامێدی، لە بەغداد، پێشوازی لە سەرۆکی هاوپەیمانی ئەساسی عێراقی موحسین مەندەلاوی کرد.
لة راگهیندراوهكه ئهوهیش هاتووه كه: "لە میانی دیدارەکەدا گۆڕانکارییەکانی سەر گۆڕەپانی نیشتمانی تاوتوێ کران، کاتێک سەرۆک کۆمار جەختی لەسەر گرنگی بەهێزکردنی هاوکاری نێوان هێزە سیاسییەکان و پاڵپشتیکردنی ئەو ڕێڕەوانە کردەوە کە بەشدارن لە چەسپاندنی سەقامگیری سیاسی، سەرباری گرنگی تەواوکردنی کابینەی وەزاری و ڕاپەڕاندنی شایستە نیشتمانییەکان بە شێوەیەک کە خزمەت بە هاوڵاتیان بگەیەنێت و کاریگەری دامەزراوەکانی دەوڵەت بەهێز بکات."
ڕاگەیەندراوەکە ئاماژه بهوهیش كراوه كه: "هەروەها دیدارەکە پەرەسەندنەکانی سەر گۆڕەپانی هەرێمی گرتەوە، کاتێک جەخت لەسەر گرنگی پاڵپشتیکردنی ئەو هەوڵانە کرایەوە کە ئامانجیان جێگیرکردنی ئاسایش و سەقامگیرییە لە ناوچەکەدا، لەگەڵ پشتبەستن بە دیالۆگ و ڕێگا دپلۆماسییەکان لە چارەسەرکردنی قەیران و ئاڵەنگارییەکان، و بەرزکردنەوەی ئاستی هاوکاری هەرێمی و پاراستنی بەرژەوەندییەکانی گەلانی ناوچەکە."
