بەغداد - INA
دەستەی کارگێڕی یانەی زەورا ڕایگەیاند کە براندی جیهانی "ئەدیداس" بۆ پێداویستییە وەرزشییەکان پەسەند کراوە بۆ ئەوەی ببێتە دابینکاری فەرمی تاقم و درێسەکانی تیپی یەکەمی تۆپی پێی یانەکە لە کێبڕکێ و پاڵەوانێتییەکانی داهاتوودا.
لە ڕاگەیەندراوێکی دەستەکەدا كه بۆ ئاژانسی هەواڵی عێراقی(INA) نێردراوه تێیدا هاتووه : "بارەگای یانەکە لە بەغدادی پایتەخت کۆبوونەوەیەک بوو لە نێوان حەیدەر شهنشول، سەرۆکی دەستەی کارگێڕی، و نوێنەرانی کۆمپانیا جیهانییەکە، ئەمەش بە مەبەستی هەماهەنگیکردن بۆ دابینکردنی نوێترین دیزاینە تایبەتەکان بۆ تیپەکە کە شایستە بێت بە مێژووی (نەوارس) و وەڵامدەرەوەی خواستەکانی بنکە هاندەرە بەرفراوانەکەی بێت."
ئەوەشی هاتووه كه: "ئەم هەنگاوە لە چوارچێوەی دیدگای ئیدارەی یانەکە دێت بۆ پەرەپێدانی لایەنی مارکێتینگ و بازاڕکردنی تیپەکە، و بڕیاریشە لە ماوەیەکی نزیکی داهاتوودا پەردە لەسەر درێسە نوێیەکەی یانەی زەورا لابدریت."
