بەغداد – INA
وەزارەتی دارایی، ئەمڕۆ شەممە جەختی کردەوە کە بنکەی گومرگی سنووری وەلید شایەتی گەشەسەندنێکی خێرا دەکات لە جووڵەی ئاڵوگۆڕی بازرگانیدا.
لە ڕاگەیەندراوێکی وەزارەتی داراییدا كه بۆ ئاژانسی هەواڵی عێراقی(INA) نێردراوه تێیدا هاتووه : "لە چوارچێوەی ڕێنماییەکانی وەزیری دارایی فالح ساری، و بەدواداچوونی بەڕێوبەری گشتی دەستەی گشتی گومرگ سامر قاسم داود، بنکەی گومرگی سنووری وەلید گەشەسەندنێکی خێرا بهخۆیهوه دەکات لە جووڵەی ئاڵوگۆڕی بازرگانیدا، کە ئەمەش لە بەرزبوونەوەیەکی بەرچاو لە ژمارەی ئەو بارهەڵگر و کەلوپەلانەی کە لە دەروازەکەوە تێپەڕ دەبن، بەرجەستە بووە."
ڕاگەیەندراوەکە ئهوهیش هاتووه كه: "ئەم گەشەسەندنە ڕەنگدانەوەی سەرکەوتنی پلانەکانی دەستەی گشتی گومرگە لە پەرەپێدانی ژینگەی کاری گومرگی و سادەکردنی ڕێکارەکان، بە شێوەیەک کە بەشداربێت لە ئاسانکاری جووڵەی بازرگانی ڕێگەپێدراو، خێراکردنی ڕاپەڕاندنی مامەڵە گومرگییەکان، و بەهێزکردنی داهاتەکان، سەرباری بەردەوامبوونی کارەکان بۆ بەرزکردنەوەی کارامەیی دەروازە سنوورییەکان و فەراهەمکردنی باشترین خزمەتگوزاری بۆ کەرتی بازرگانی، هاوتەریب لەگەڵ جێبەجێکردنی بەرزترین پێوەرەکانی چاودێری و شەفافیەت."
ئاماژەی بەوەش کردووە: "ئەم ئەدا و چالاکییە بەرەوژوورەی بنکەی گومرگی ئەلوەلید، گرنگی دەروازەکە لە پاڵپشتیکردنی جووڵەی بازرگانی هەرێمی دووپات دەکاتەوە، لەگەڵ بەهێزکردنی پێگەی عێراق وەک ڕێڕەوێکی زیندوو بۆ ئاڵوگۆڕی بازرگانی و خزمەتگوزارییە لۆجستییەکان، هاوتەریب لەگەڵ ئاڕاستەکانی حکومەت لە پەرەپێدانی دەروازە سنوورییەکان و بەرزکردنەوەی کارامەیی ئەداکەیان."
