بنیامین نەتانیاهو ڕۆژی شەممە پەیامێکی ڤیدیۆیی ئاراستەی هاوڵاتیانی ئیسرائیل کرد، تێیدا ڕێککەوتنەکەی لەگەڵ لوبنان بە شکستێکی گەورە بۆ ئێران ناوبرد.
سەرۆکوەزیرانی ئیسرائیل بنیامین نەتانیاهو ڕایگەیاند، "لە چوارچێوەی ئەو لێکتێگەیشتنەدا، ئەمەریکا و لوبنان دانیان بە مافی ئیسرائیلدا نا بۆ هێشتنەوەی ناوچەی ئەمنی لەناو لوبنان هەتا ئەوکاتەی بۆ ئاسایشمان پێویستە."
نەتانیاهو وتیشی، "بەردەوام دەبین لە مانەوەمان لەو ناوچانە هەتا ئەو کاتەی حزبوڵا و ڕێکخراوە تیرۆریستییەکانی دیکە لە چەک دادەماڵرێن، هەتا ئەو کاتەی هیچ هەڕەشەیەک بۆ سەر ئیسرائیل لە لوبنانەوە نایەتا ئاراوە."
سەرۆکوەزیرانی ئیسرائیل ڕێککەوتنەکەی بە زەبرێکی گەورە بۆ ئێران و حزبوڵا و تەواوی بەرەی مقاوەمە ناوبرد.
ڕایگەیاند هەنگاوێکی گرنگە بۆ گێڕانەوەی ئاسایش و ئاشتی لەنێوان لوبنان و ئیسرائیل.
نەتانیاهو سوپاسی سەرۆکی ئەمەریکا دۆناڵد ترامپ و وەزیری دەرەوەی مارکۆ روبیۆی کرد لە هەوڵەکانیان بۆ واژۆکردنی ڕێککەوتنەکە. هەروەها سوپاسی حکومەت و گەلی لوبنانی کرد بۆ "ئەو ئازایەتییەی نیشانیان دا."
