وەرزش – INA
یانەی ڕیاڵ مەدریدی ئیسپانی، بە شێوەیەکی فەرمی گرێبەستکردنی لەگەڵ بەرگریکاری نێودەوڵەتی فەڕەنسی (ئیبراهیما کۆناتی - ٢٧ ساڵ) ڕاگەیاند، کە بە گرێبەستێکی ئازاد لە یانەی لیڤەرپوڵی ئینگلیزییەوە هاتووە، بۆ ماوەی چوار ساڵ و تاوەکو ساڵی ٢٠٣٠.
کۆناتی دەبێتە چوارەم گرێبەستی یانەی شاهانە دوای دووبارە هەڵبژاردنەوەی فلۆرێنتینۆ پێرێز بە سەرۆکی یانەکە، ئەمەش لە چوارچێوەی هەوڵەکانی تیپەکەدا بۆ گەڕانەوە بۆ ناو کەشی ڕکابەرییەکان دوای دوو ساڵ لە بێ نازناوی، بەمەش پەیوەندی بە هاونیشتمانییەکانی خۆیەوە دەکات کە پێکهاتوون لە کیلیان ئێمباپێ، ئۆریلیان چوامینی، ئێدواردۆ کاماڤینگا و فێرلاند مێندی.
ڕاپۆرتەکان باس لە هەوڵەکانی ڕیاڵ مەدرید دەکەن بۆ هێنانی دێنزڵ دۆمفریسی هۆڵەندی لە یانەی ئینتەری ئیتاڵییەوە وەک بەشێک لە هەوڵەکانی بۆ گەڕانەوە بۆ سەر سەکۆی ڕکابەرییەکان. هەروەها ڕیاڵ مەدرید لەگەڵ بەرگریکاری ناوەندی ئەڵمانی (ئەنتۆنیۆ ڕودیگەر) گەیشتووەتە ڕێککەوتن بۆ درێژکردنەوەی گرێبەستەکەی تاوەکو ساڵی ٢٠٢٧، بەتایبەتی دوای ڕۆشتنی دانی کارڤاخال و دەیڤید ئالابای نەمسایی لە تیپەکە بەهۆی کۆتایی هاتنی گرێبەستەکانیانەوە.
سەرچاوە: ئاژانسی هەواڵی فەڕەنسی (AFP)