نێودەوڵەتی – INA
سەرۆکی ئەمریکا، دۆناڵد ترەمپ، ئەمڕۆ سێشەممە دووپاتی کردەوە کە واشنتن ڕێککەوتنێکی دادپەروەرانە و باشی لەگەڵ ئێراندا هەیە، بەڵام هیچ وەبەرهێنانێکی دارایی لەوێ ناکات.
ترەمپ ڕایگەیاند: "ڕێککەوتنێکی دادپەروەرانە و باشمان لەگەڵ ئێراندا هەیە، بەڵام هیچ پارەیەکی تێدا وەبەرناهێنین"، هاوكات ئاماژەی بەوەش کرد کە "کارکردن لەگەڵ قەتەر سەبارەت بە نێوەندگیرییەکەی بۆ چارەسەرکردنی قەیرانی ناوچەکە، هۆکارێکی گرنگ و ئەرێنی بووە".
وتیشی: "ئەوەی بۆ من گرنگە ئەوەیە کە ئێران بە هیچ شێوەیەک نەبێتە خاوەنی چەکی ئەتۆمی، وە ئەوەی وای لێکردم واژۆ لەسەر یاداشتی لێکتێگەیشتنەکە بکەم، مسۆگەرکردنی ئەوە بوو کە ئێران چەکی ئەتۆمی بەدەست نەهێنێت"، ڕوونیشی کردەوە کە "ئەگەر ئێران هەوڵی بەدەستهێنانی چەکی ئەتۆمی بدات، ئەوا دەرگاکانی دۆزەخی بەسەردا دەکرێنەوە".
خستیشیە ڕوو: "پێشتر هەوڵ گەلێک هەبوون بۆ گۆڕینی ڕژێم لە ئێراندا، بەڵام سەرکەوتووی نەبوو".
