بەغدا – INA
ئەمڕۆ دووشەممە، نێردراوی ئەمریکا، تۆم باراک، پشتڕاستی کردەوە کە چاوی بە سەرۆک وەزیران، عەلی زەیدی دەکەوێت، هاوكات ئاماژەی بەوە کرد کە پشتیوانیی سەرۆکی ئەمریکا، دۆناڵد ترەمپ بۆ حکومەتەکەی پێ ڕادەگەیەنێت.
باراک لە ڕاگەیەندراوێکدا کە بە دەست ئاژانسی هەواڵی عێراقی (INA) گەیشتووە، ڕایگەیاند: "خۆشحاڵ و سەربەرزم بە گەڕانەوەم بۆ بەغدا، بۆ چاوپێکەوتن لەگەڵ تیمی نایابی باڵیۆزخانەی ئەمریکا بە سەرۆکایەتی کاربەڕێکەر، جۆشوا هاریس".
ئاماژەی بەوەش کرد کە "ئەمڕۆ چاوم بە سەرۆک وەزیران، زەیدی دەکەوێت بۆ ئەوەی پشتیوانیی سەرۆک ترەمپ بۆ حکومەتەکەی پێ ڕابگەیەنم، و بۆ تاوتوێکردنی هاوبەشیەکەمان لە ڕێڕەوێکی نوێدا بەرەو پەیوەندییەکی بەهێز و بەرهەمداری ئەمریکی-عێراقی بۆ هەردوولا".
