بەغدا - INA
ئەمڕۆ دووشەممە، جێگری یەکەمی سەرۆکی ئەنجومەنی نوێنەران عەدنان فەیحان دلێمی، بۆ وەزیری گەیاندن مستەفا سەنەد، جەختی لەسەر پەرۆشیی ئەنجومەنەکە کردەوە بۆ تەواوکردنی پڕۆژەیاسای وەزارەتی گەیاندن.
نووسینگەی ڕاگەیاندنی جێگری یەکەمی سەرۆکی ئەنجومەنی نوێنەران لە ڕاگەیەندراوێکدا کە بە دەست ئاژانسی هەواڵی عێراقی (INA) گەیشتووە، ڕایگەیاند: "جێگری یەکەمی سەرۆکی ئەنجومەنی نوێنەران عەدنان فەیحان دلێمی، لە شوێنی میوانداریی خۆیدا پێشوازی لە وەزیری گەیاندن مستەفا سەنەد کرد، و لەگەڵیدا تاووتوێی واقیعی کەرتی گەیاندن و شێوازەکانی بەرزکردنەوەی ئاستی ژێرخانی دیجیتاڵی و ئەو خزمەتگوزارییانەی پێشکەش بە هاوڵاتیان دەکرێن کرد، لە پاڵ تاووتوێکردنی میکانیزمەکانی پاڵپشتی پڕۆژەکانی وەرچەرخانی دیجیتاڵی و بنیاتنانی بنکەی زانیاریی نیشتیمانیی یەکگرتوو کە بەشدار بێت لە سادەکردنەوەی ڕێکارەکانی حکومەت و بەهێزکردنی بنەماکانی حوکمڕانیی ئەلیکترۆنی".
فەیحان – بەپێی ڕاگەیەندراوەکە – جەختی لەسەر پەرۆشیی ئەنجومەنەکە کردەوە بۆ "تەواوکردنی پڕۆژەیاسای وەزارەتی گەیاندن"، و مۆركی لەسەر "گرنگیی بەردەوامبوون لە جێبەجێکردنی پلانەکانی وەرچەرخانی دیجیتاڵی و نوێکردنەوەی سیستەمی گەیاندن وەک یەکێک لە کۆڵەکە بنەڕەتییەکانی چاکسازیی کارگێڕی و ئابووری" دایەوە.
فەیحان جەختیشی لەسەر "پێویستیی بەدیهێنانی ئەو شایستەییانەی لە بەرنامەی وەزارەتەکەدا هاتوون لەگەڵ ڕاسپاردەکانی لیژنەی پەرلەمانیی تایبەت بە لێکۆڵینەوە لێی کردەوە، بە جۆرێک کە هاوتەریب بێت لەگەڵ پێشکەشە تەکنیکییە خێراکاندا، و داهاتە نانەوتییەکان بەهێز بکات، لە پاڵ پاڵپشتیکردنی دەرفەتی کار بۆ گەنجان".
لەلایەن خۆیەوە، سەنەد جەختی کردەوە لەسەر "پەرۆشیی وەزارەت بۆ جێبەجێکردنی پلانە ستراتیژییەکانی کە ئامانجیان پەرەپێدانی ژێرخانی دیجیتاڵی و فراوانکردنی مەودای خزمەتگوزارییە ئەلیکترۆنییەکانە، بە شێوەیەک کە بگونجێت لەگەڵ پێداویستییەکانی وەرچەرخانی دیجیتاڵیدا"، هاوكات ستایشی "ڕۆڵی جێگری یەکەمی لە پاڵپشتیکردنی ئەو یاسایانەی کە پشتیوانی کەرتی گەیاندن دەکەن، و بایەخدانی بە ڕەواندنەوەی تەحەددییەکان و خێراکردنی ڕاپەڕاندنی ئەو پڕۆژانەی بەشدارن لە باشترکردنی خزمەتگوزارییە پێشکەشکراوەکان بە هاوڵاتیان" کرد.
