ئابووری – INA
ئەمڕۆ سێشەممە، لە سەرەتای مامەڵە بازرگانییەکانی ئاسیادا، نرخەکانی نەوت بە ڕێژەی زیاتر لە 2% دابەزین، ئەمەش دوای ئەوەی دۆناڵد ترەمپ، سەرۆکی ئەمریکا ڕایگەیاند کە هێرشێکی بڕیارلێدراوی بۆ سەر ئێران هەڵپەساردووە، بە مەبەستی ڕەخساندنی دەرفەت بۆ دانوستان و ڕاگرتنی جەنگ.
گرێبەستەکانی نەوتی خامی برێنت بۆ مانگی حوزەیران، 3.01 دۆلار (2.7%) دابەزین و گەیشتنە 109.09 دۆلار بۆ هەر بەرمیلێک. هاوکات، نەوتی خامی ڕۆژئاوای تێکساسی ئەمریکی (WTI) بۆ مانگی حوزەیران، 1.38 دۆلار (1.3%) دابەزی و گەیشتە 107.28 دۆلار. شایەنی باسە لە خولی پێشوودا، هەردوو خامەکە بەرزترین ئاستی خۆیان لە دوای 5ی ئایار و 30ی نیسانەوە (بەپێی ڕیزبەندی) تۆمارکردبوو.
ماوەی گرێبەستی مانگی حوزەیرانی نەوتی خامی ئەمریکی ئەمڕۆ کۆتایی دێت، لە کاتێکدا گرێبەستی مانگی تەممووز کە چالاکترین گرێبەستە، 2.06 دۆلار (2%) دابەزی و گەیشتە 102.32 دۆلار بۆ هەر بەرمیلێک.
سەرچاوە: ڕووسیا تودەی
