بەغداد – INA
دەستەی کەشناسی، ئەمڕۆ هەینی، وردەکاریی دۆخی کەشوهەوای وڵاتی بۆ ڕۆژانی داهاتوو ڕاگەیاند و پێشبینی باران بارین و خۆڵ بارین دەکات.
دەستەی کەشناسی، لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "کەشوهەوای سبەی شەممە، نیمچە هەور دەبێت و هەندێکجار لە ناوچەکانی ناوەڕاست و باکوور دەبێتە هەوری تەواو، لەگەڵ بارینی بارانی سووک تا مامناوەند لە ناوچەی باکوور و هەندێک لە بەشە ڕۆژهەڵاتییەکانی ناوچەی ناوەڕاست. لە کاتێکدا لە ناوچەی باشوور ئاسمان ساماڵ دەبێت. با لە ئاراستەی باکووری ڕۆژئاواوە دەبێت بە خێراییەکی مامناوەند و ناوبەناو چالاک دەبێت، کە دەبێتە هۆی بەرزبوونەوەی تۆزوخۆڵ بە چڕیی سووک و مامناوەند. پلەکانی گەرماش لە سەرتاسەری وڵات چەند پلەیەک دادەبەزن."
ههروهها بەرزترین پلەکانی گەرمای پێشبینیکراو بۆ سبەی شەممە: دهۆک و سلێمانی: ٢٢ پلە و هەولێر: ٢٥ پلە و نەینەوا و کەرکووک: ٢٧ پلە و بەغداد، سەڵاحەدین و ئەنبار: ٣٠ پلە و دیالە و کەربەلای پیرۆز: ٣١ پلە و بابل، نەجەفی ئەشرەف و دیوانییە: ٣٢ پلە و موسەنا و واست: ٣٣ پلە و میسان و زیقار: ٣٤ پلە ههروهها بەسرە: ٣٦ پلە".
راگهیندراوهكه ئاماژەی بەوەش کردووە: "کەشوهەوای ڕۆژی یەکشەممە بە گشتی نیمچە هەور دەبێت، لەگەڵ ئەگەری بارینی نمەبارانی سووک لە ناوچەی باکوور. با لە ئاراستەی باکووری ڕۆژئاواوە بە مامناوەندی دەمێنێتەوە و پلەکانی گەرما لە چاو ڕۆژی پێشوو کەمێک ڕوو لە بەرزبوونەوە دەکەن."
سەبارەت بە ڕۆژی دووشەممەی داهاتوو: "کەشوهەوا لە ناوچەی باکوور نیمچە هەور دەبێت و ئەگەری نمەبارانی سووک لە ناوچە شاخاوییەکاندا هەیە. لە ناوچەکانی ناوەڕاست و باشوور ئاسمان ساماڵ دەبێت لەگەڵ هەندێک پەڵە هەور. با لە باشووری ڕۆژهەڵاتەوە دەبێت و هێواش تا مامناوەند دەبێت، پاشان لە کاتی ڕۆژدا بەرەو باکووری ڕۆژئاوا دەگۆڕێت و لە بەشە ڕۆژئاواییەکانی ناوەڕاست و باشوور چالاک دەبێت و دەبێتە هۆی بەرزبوونەوەی تۆزوخۆڵی خۆجێی. پلەکانی گەرما لە ناوەڕاست و باشوور چەند پلەیەک بەرز دەبنەوە و لە ناوچەی باکووریش کەمێک بەرزبوونەوە بەخۆوە دەبینن."
لە کۆتاییدا هاتووە: "دۆخی کەشوهەوای پێشبینیکراو بۆ ڕۆژی سێشەممەی داهاتوو، لە ناوچەی باکوور نیمچە هەور دەبێت لەگەڵ ئەگەری بارانی سووک لە ناوچە شاخاوییەکان. لە ناوچەکانی ناوەڕاست و باشوور ئاسمان ساماڵ دەبێت لەگەڵ هەندێک پەڵە هەور. پلەکانی گەرما لە ناوەڕاست و باکوور نزیک دەبن لە پلەکانی ڕۆژی پێشوو و لە ناوچەی باشووریش کەمێک دادەبەزن."
