بەغداد - INA
سەرۆکی ئەنجومەنی وەزیران محەمەد شیاع سودانی، ئەمڕۆ چوارشەممە، ڕێنمایی دا بە پێشکەشکردنی هەموو ئاسانکارییەکی پێویست بە هەڵبژاردەی تۆپی پێ لە ماوەی قۆناغی ئامادەکارییەکاندا کە پێش یارییەکانی لە پاڵاوتنەکانی مۆندیال دەکەون.
نووسینگەی ڕاگەیاندنی سەرۆکی ئەنجومەنی وەزیران لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "سەرۆکی ئەنجومەنی وەزیران محەمەد شیاع سودانی، پێشوازی لە ڕاهێنەری هەڵبژاردەی نیشتمانیی تۆپی پێ، گراهام ئارنۆڵد کرد، بە ئامادەبوونی سەرۆکی یەکێتیی تۆپی پێی عێراق عەدنان درجال."
ئاماژەی بەوەشکرد: "سەرۆکی ئەنجومەنی وەزیران سوپاس و پێزانینی خۆی بۆ ڕۆڵی بەڕێز ئارنۆڵد دەربڕی کە بەشدار بووە لە سەرکەوتنی هەڵبژاردەی نیشتمانی بۆ کۆتاییەکانی مۆندیال، و ڕێنمایی دا بە پێشکەشکردنی هەموو ئاسانکارییە پێویستەکان بۆ هەڵبژاردەی تۆپی پێ لە ماوەی قۆناغی ئامادەکارییەکان کە پێش یارییەکانی لەم شایستە جیهانییە گرنگەدا دەکەون."
بەپێی بەیاننامەکە، سەرۆکی ئەنجومەنی وەزیران جەختیکردەوە: كە "لە سەرەتای دەستبەکاربوونی لە ئەرکە جێبەجێکارییەکانیدا، بڕوای بە پێویستی پاڵپشتیکردنی هەڵبژاردەی نیشتمانی و وەرزشەکانی تر هەبووە، کە گرنگییەکەیان لە چوارچێوەی وەرزشی تێپەڕیوە و کاریگەرییان لەسەر لایەنە سیاسی، ئابووری و گەشەپێدانەکان دروست کردووە، ئەمەش وێڕای متمانەی بە توانای پاڵەوانەکانی هەڵبژاردەی تۆپی پێ."
