بەغداد – INA – محەمەد تالبی
وەزارەتی نەوت، ئەمڕۆ سێشەممە، پلانێکی بۆ زیادکردنی بەرهەمهێنانی گازی شل لە ڕێگەی نەوتی دەرهێنراوەوە ڕاگەیاند، هاوکات ئاماژەی بەوە کرد کە ڕێژەی گاز لە بڕی بەرهەمهێنانی نەوتی خاو دەگاتە ٥٤%، ئەوەشی ڕوون کردەوە کە زیادەی گازی هاوەڵ لە ڕێگەی خولەکانی مۆڵەتپێدانەوە هەناردە دەکرێت بۆ کاراکردنی بەرهەمهێنانی گازی سەربەخۆ (الحر).
ساحیب بزوون، وتەبێژی وەزارەت، بە ئاژانسی هەواڵی عێراقی (INA )ی ڕاگەیاند: "پلانەکانی وەزارەتی نەوت بریتین لە زیادکردنی بەرهەمهێنانی گازی شل لە ڕێگەی زیادکردنی بڕی نەوتی دەرهێنراو بۆ زیادکردنی دەرهێنانی بڕی گازی هاوەڵ،" ئاماژەی بەوەش کرد کە "وەزارەت پێشتر لە ساڵانی ٢٠٢٣، ٢٠٢٤ و ٢٠٢٥دا چەندین بارە گازی شلی هەناردە کردووە."
بزوون ڕوونی کردەوە کە "ڕێژەی گازی شل دەگاتە ٥٤%ی بڕی بەرهەمهێنانی نەوتی خاو،" ئاماژەی بەوەش کرد کە "بەشێک لە خولەکانی پێنجەمی تەواوکاری و شەشەمی مۆڵەتپێدان تەرخانکراون بۆ بەرهەمهێنانی گازی سەربەخۆ، کە تێیدا دوو جۆر گاز هەیە؛ یەکەمیان پێی دەوترێت گازی (دایک) و ڕێژەی ئەم جۆرە لە نێوان ٢٠ بۆ ٢٥%دایە، لە کاتێکدا جۆری دووەم کە گازی هاوەڵە ڕێژەکەی دەگاتە ٨٠%."
ئاماژەی بەوەش کرد کە "گازی هاوەڵ بۆ پڕکردنەوەی پێداویستییەکانی بازاڕی ناوخۆ بەکاردێت و دواتر ئەوەی دەمێنێتەوە هەناردە دەکرێت، پلانەکانی وەزارەتیش لە ڕێگەی خولەکانی مۆڵەتپێدانەوە بەرەو کاراکردنی بەرهەمهێنانی گازی سەربەخۆ هەنگاو دەنێن."
