بەغدا – INA
ئەمڕۆ دووشەممە، یانەی کەرخ، سەرکەوتنێکی گرنگی بەسەر یانەی ئەمانەی بەغدا بە ئەنجامی دوو گۆڵ بەرامبەر بە گۆڵێک بەدەستهێنا، لە لایەکی ترەوە هەولێر سەرکەوتنێکی گەورەی بەرامبەر نەجەف بە ئەنجامی چوار گۆڵ تۆمارکرد، هەروەها کارەبا کۆی خاڵەکانی خۆی بە سەرکەوتن بەسەر نەورۆزدا بەهێزتر کرد، ئەمەش لە چوارچێوەی یارییەکانی گەڕی 34ی خولی ئەستێرەکانی عێراق.
یونس حەمەد دوو گۆڵەکەی کەرخی لە خولەکەکانی 30 و 54دا تۆمارکرد، لە کاتێکدا مۆنتەزەر عەبدولئەمیر گۆڵەکەی ئەمانەی بەغدای لە خولەکی 27ی یارییەکەدا تۆمارکرد کە لەسەر یاریگای کاپتن شەڕار حەیدەر بەڕێوەچوو.
بەو سەرکەوتنە کەرخ کۆی خاڵەکانی خۆی بۆ 55 خاڵ بەرزکردەوە و لە پلەی حەوتەمدایە، لە کاتێکدا ئەمانەی بەغدا لە 34 خاڵدا مایەوە و لە پلەی 17یەم دێت.
لە یارییەکی تردا، هەولێر سەرکەوتنێکی گەورەی بەسەر نەجەفدا بەدەستهێنا بە چوار گۆڵ بەرامبەر بە گۆڵێک، گۆڵەکانی هەولێر لەلایەن مایکل کابرێرا (6)، شێرزۆد تێمیرۆڤ (13 و 69)، و عەلی شاخەوان (39) تۆمارکران، لە بەرامبەردا عەلی ڕەحیم تاقە گۆڵەکەی نەجەفی لە خولەکی 24دا تۆمارکرد.
هەولێر کۆی خاڵەکانی خۆی بۆ 70 خاڵ بەرزکردەوە و لە پلەی سێیەمدایە، لە کاتێکدا نەجەف لە پلەی 19یەم مایەوە بە 18 خاڵ.
هەروەها یانەی کارەبا بەسەر نەورۆزدا سەرکەوت بە دوو گۆڵ بەرامبەر بە گۆڵێک. بۆ کارەبا لوکاس سانتۆس (30) و ئەمیر ئەیاد (76) گۆڵەکانیان تۆمارکرد، لە کاتێکدا عەلی خەلیل گۆڵەکەی نەورۆزی لە خولەکی 73دا تۆمارکرد.
کارەبا کۆی خاڵەکانی خۆی بۆ 37 خاڵ بەرزکردەوە و لە پلەی 15یەمدایە، لە کاتێکدا نەورۆز لە پلەی دەیەمدا مایەوە بە 47 خاڵ.
