بەدواداچوون – INA
ئەمڕۆ دووشەممە، سەرۆک کۆماری ئێران مەسعوود پزیشکیان، سوپاسی خۆی ئاراستەی مەرجەعی باڵای ئایینی سەید عەلی سیستانی کرد بۆ پاڵپشتیکردنی زیانلێکەوتووانی دەستدرێژییەکان، لە هەمان کاتدا هاوسۆزی گەلی عێراقی بەرز نرخاند.
پزیشکیان لە بڵاوکراوەیەکدا لە هەژماری خۆی لە پلاتفۆرمی (X)، کە ئاژانسی هەواڵی عێراقی (INA) بەدواداچوونی بۆ کردووە، ڕایگەیاند: "بەرزترین ئاستی سوپاس و پێزانین ئاراستەی ئەو پاڵپشتییە بەخشندەیە دەکەم کە ئایەتوڵڵای عوزما سەید سیستانی (خودا بیپارێزی) بەرامبەر بە کۆماری ئیسلامی ئێران و زیانلێکەوتووانی دەستدرێژییەکانی ئەم دواییە نواندوویەتی"، هەروەها ستایشی "هاوسۆزی گەلی عێراقی برا"ی کرد.
پزیشکیان وتیشی: "مەرجەعیەت هەمیشە وەک قەڵایەکی پتەو و پاڵپشتێکی ڕاستەقینە بۆ مەزڵوومان ماوەتەوە".
