بەغدا - INA
عەلی فالح ئەلزەیدی، سەرۆک وەزیرانی ڕاسپێردراو، و ئەیاد عەلاوی، سەرۆک وەزیرانی پێشوو، ئەمڕۆ پێنجشەممە جەختیان لە پێویستیی پاڵپشتیکردنی هێزە سیاسییە نیشتمانییەکان کردەوە بۆ ڕێڕەوی پێکهێنانی حکومەت.
نووسینگەی ڕاگەیاندنی سەرۆک وەزیران لە ڕاگەیەندراوێکدا کە بۆ ئاژانسی هەواڵی عێراقی (INA) نێردراوە ڕایگەیاند: عەلی فالح زەیدی، سەرۆک وەزیرانی ڕاسپێردراو، چاوی بە ئەیاد عەلاوی، سەرۆک وەزیرانی پێشوو کەوت.
ڕاگەیەندراوەکە ئاماژەی بەوەش کرد کە لە دیدارەکەدا باس لە بارودۆخی گشتیی وڵات و هەنگاوەکانی پەیوەست بە پێکهێنانی حکومەتی نوێ کرا، و تێیدا جەخت کرایەوە لەسەر پێویستیی پاڵپشتی هێزە سیاسییە نیشتمانییەکان بۆ ڕێڕەوی پێکهێنانی حکومەت و تواناسازیکردنی بۆ ئەنجامدانی ئەرک و واجبەکانی، بە جۆرێک کە سەقامگیری بەهێز بکات و بەرژەوەندی هەموو عێراقییەکان دابین بکات
