بەغدا – INA
ئەمڕۆ دووشەممە، بەڕێوەبەرایەتی بەرگری شارستانی، ڕایگەیاند کە کۆنترۆڵی ئاگرکەوتنەوەیەکیان کردووە لە چەند دوکانێکی فرۆشتنی پەرتبووک و تەقەمەنی لە ناوچەی شەقامی ڕەشید، بەتایبەتی لە نزیک "حەیدەرخانە" لە ناوەندی بەغدای پایتەخت.
لە ڕاگەیەندراوێکی بەڕێوەبەرایەتییەکەدا کە دەست ئاژانسی هەواڵی عێراقی (INA) کەوتووە، هاتووە: "بەڕێوەبەرایەتی بەرگری شارستانی، دەستبەجێ دوای وەرگرتنی هەواڵەکە تیمەکانی خۆی خستە ئامادەباشییەوە، و توانییان ئاگرەکە گەمارۆ بدەن و ڕێگری بکەن لە تەشەنەکردنی بۆ ناو باڵەخانە بازرگانییەکان و کۆگا تەنیشتەکانی، بەتایبەتی کە ناوچەکە بە قەرەباڵغی و تەنگی کۆڵانەکانی ناسراوە، کە دەبێتە ڕێگر لەبەردەم جووڵەی ئۆتۆمبێلەکانی ئاگرکوژێنەوە".
هەروەها ئاماژەی بەوە کرد: "تیمەکان کارەکانی خۆیان کۆتایی پێهێنا بەبێ تۆمارکردنی هیچ بریندارێکی مرۆیی، لەگەڵ کەمکردنەوەی زیانە ماددییەکان تا پەرادەیەک"، هاوکات ڕێنماییدرا بە "کردنەوەی لێکۆڵینەوەیەکی فەرمی و بانگهێشتکردنی پسپۆڕی بەڵگەکانی تاوان بۆ دیاریکردنی هۆکارە وردەکانی کەوتنەوەی ئاگرەکە".
