بەغدا - INA- ویسام مەلا
ئەمڕۆ شەممە وەزارەتی بازرگانی دووپاتی كردەوە كە ئەوانەی دەستكاری نرخی خۆراك دەكەن و سەرپێچی ڕێساكان دەكەن ڕەوانەی دەسەڵاتی دادوەری كراون، ئاماژەی بەوەشدا كە چاودێریكردنی نرخی خۆراك بەردەوامە.
سەتار جابری بریكاری وەزیری بازرگانی بە ئاژانسی هەواڵی عێراقی (INA) ی ڕاگەیاند : چاودێریكردنی نرخی خۆراك بەردەوامە، بەڵام بەهۆی شەڕی ناوچەكە، بەرزبوونەوەی نرخی خۆراك و كاڵاكانی دیكە لە سەرانسەری جیهاندا ڕوویداوە، ئەمەش بەهۆی تێچووی دەستەبەركردنی گواستنەوەی وشكانی و دەریایی، جگە لە بەرزبوونەوەی نرخ لە سەرچاوەكە بەهۆی مەترسی و زیادبوونی خواست.
ئاماژەی بەوەشكرد : وەزارەتی بازرگانی و وەزارەتی كۆنترۆڵی بازرگانی و ئاسایشی ئابووری و دەزگاكانی دیكەی ڕێكخستنی پشكنینی مەیدانی بەردەوام ئەنجامدەدەن، زۆرێك لە سەرپێچیكاران و قازانجخوازان دەستگیركراون، و ڕێوشوێنیش دەگیرێتەبەر بۆ چارەسەركردنی بەرزبوونەوەی نرخەكان.
ئاماژەی بەوەشكرد : رێوشوێنی توند لە شوێنی خۆیدا هەیە، هەروەها زۆرێك لە سەرپێچیكاران ڕەوانەی دەسەڵاتی دادوەری كراون، هەندێكیان ڕاگیراون، هەندێكی دیكەشیان بە كەفالەت ئازادكراون،ئەم ڕێوشوێنە توندانە ڕۆژانە لە هەردوو بازاڕی جوملە و تاكەكەسی جێبەجێ دەكرێن، ڕوونی كردەوە كە ژمارەی سەرپێچیكاران بە سەدان لە سەرانسەری پارێزگاكاندایە، سزاكانیش لە بەڵێننامەی نووسراوەوە دەست پێدەكات تا دەگاتە كەفالەت كە لەلایەن دەسەڵاتی دادوەرییەوە بەهۆی سەرپێچی و ئیستغلالكردنی قەیرانەكانەوە دەدرێت.
هەروەها ووتیشی: زۆر كۆبوونەوە و ڕێنمایی لە وەزارەتی بازرگانییەوە بۆ بازرگانان و خاوەن كارەكان هەبووە بۆ كۆنترۆڵكردنی نرخی بازاڕ.
