بەدواداچوون - INA
بۆریس پیستۆریۆس وەزیری بەرگری ئەڵمانیا جەختی لە بەرژەوەندی هاوبەشی نێوان ئەڵمانیا و ئەمریكا كردەوە دوای ڕاگەیاندنی كشانەوەی بەشێكی سەربازی لە ئەڵمانیا لەلایەن ئەمەریكا.
پیستۆریۆس ڕایگەیاندووە : بوونی سەربازانی ئەمریكی لە ئەوروپا و بە تایبەتی لە ئەڵمانیا لە بەرژەوەندی ئێمە و بەرژەوەندی ئەمریكادایە.
لە هەمان كاتدا پیستۆریۆس ڕوونی كردەوە : كە بڕیارەكە شتێكی سەرسوڕهێنەر نییە، هەروەها چاوەڕوانی كشانەوەی هێزەكانی ئەمریكا لە ئەوروپا و ئەڵمانیا دەكرا.
ووتیشی : ئێمە لە نزیكەوە هاوكاری ئەمریكییەكان لە ڕامشتاین، گراڤێنفورت، فرانكفۆرت و شوێنەكانی دیكە دەكەین، بۆ ئاشتی و ئاسایش لە ئەوروپا، بۆ ئۆكرانیا و بەهێزكردنی ڕێگری هاوبەشمان.
ئاماژەی بەوەشكرد : ئەمریكا ئەركی سەربازی دیكەشی لە بنكەكانی لە ئەڵمانیا هەیە، لەوانە ئەو ئەركانەی پەیوەندییان بە بەرژەوەندییە ئەمنییەكانی لە ئەفریقا و ڕۆژهەڵاتی ناوەڕاستەوە هەیە.
وەزیرەكە جەختی لەوە كردەوە كە زۆر گرنگە ناتۆ زیاتر ئەوروپی بێت بۆ ئەوەی لە دەریای ئەتڵەسیدا بمێنێتەوە.
سەرچاوە: ئاژانسەكان.
