بەغداد – INA
سەرۆکی دەستەی دەروازە سنوورییەکان فەریق عومەر وائیلی، ئەمڕۆ چوارشەممە، جەختی لەسەر گرنگیی بەهێزکردنی هەماهەنگی و تەواکاری و ئاڵوگۆڕی زانیارییەکان کردەوە، بە جۆرێک کە پاڵپشتی هەوڵەکانی حکومەت بکات لە توندکردنی کۆنترۆڵکردنی دەروازە سنوورییەکان و پەرەپێدانی میکانیزمەکانی کارکردن تێیاندا.
دەستەکە لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "ئەمڕۆ چوارەمین کۆبوونەوەی ئەنجومەنی دەستەی دەروازە سنوورییەکان بۆ ساڵی 2026 لە ڕێگەی بازنەی تەلەفزیۆنی داخراوەوە ئەنجامدرا، بە سەرۆکایەتی سەرۆکی ئەنجومەن فەریق عومەر وائیلی و بە ئامادەبوونی نوێنەرانی هەموو فەرمانگەکان."
بەیاننامەکە ئاماژەی بەوەشکردووە: "لە کاتی کۆبوونەوەکەدا باس لە چەندین دۆسیەی ستراتیژیی پەیوەست بە بەڕێوەبردن و پەرەپێدانی دەروازە سنوورییەکان لە عێراق کرا، تێیدا ستراتیژیی نیشتمانی بۆ بەڕێوەبردنی یەکگرتووی سنوورەکان بۆ ماوەی (2025-2030) خرایە ڕوو، لەگەڵ جەختکردنەوە لەسەر گرنگیی پشتبەستن بە دیدگای نوێ بۆ بەهێزکردنی کۆنترۆڵی دەروازە سنوورییەکان و تەواکاریی کاری دامەزراوە پەیوەندیدارەکان، بە جۆرێک کە ئاسایش و سەروەریی نیشتمانی بەدی بهێنێت."
لە درێژەی بەیاننامەکەدا هاتووە: "هەروەها ئەنجومەن تاوتوێی ئەو ڕاسپاردانەی کرد کە پەیوەستن بە دانانی ڕێسای ڕوون و نوێکراوە بۆ ڕێکخستنی هاوردەکردنی کەلوپەلی بەکارهاتوو، بە جۆرێک کە پاراستنی ئابووری نیشتمانی و ڕێکخستنی جوڵەی ئەو کاڵایانەی دێنە ناو وڵاتەوە بەپێی چوارچێوە یاساییەکان مسۆگەر بکات."
بەیاننامەکە ئاماژەی بەوەشکردووە: "لە تەوەرێکی تردا، باس لەو پێشنیارانە کرا کە لەلایەن وەزارەتی ناوخۆوە پێشکەشکراون و تایبەتن بە کارکردنی ئامێرەکانی سۆنەر و چاککردنەوەیان و ئامادەکردنی پێداویستییەکان بۆ بەردەوامبوونی کارەکان لە ڕێگەی بەستنەوەی تۆڕەکان و حکومەتی ئەلیکترۆنییەوە، بە مەبەستی ڕێکخستنی کاری دامەزراوەیی و دیاریکردنی کارە لەپێشینەکان، ئەمەش بەشدار دەبێت لە بەرزکردنەوەی کارایی ئەدا."
بەپێی بەیاننامەکە، سەرۆکی ئەنجومەن جەختیکردەوە: لەسەر "پێویستی بەدواداچوون بۆ جێبەجێکردنی ڕاسپاردە دەرچووەکان، و بەهێزکردنی هەماهەنگی و تەواکاری و ئاڵوگۆڕی زانیارییەکان، بۆ پاڵپشتیکردنی هەوڵەکانی حکومەت لە توندکردنی کۆنترۆڵی دەروازە سنوورییەکان و پەرەپێدانی میکانیزمەکانی کارکردن تێیاندا."
