بەغدا – INA
سەرۆک کۆمار نزار ئامێدی، ئەمڕۆ سێشەممە، سەرەخۆشی خۆی بۆ کۆچی دوایی سەید حوسێن سەدر دەربڕی و ئاماژەی بەوە کرد کە خوالێخۆشبوو ژیانی خۆی بۆ خزمەتکردنی ئایین و کۆمەڵگە تەرخان کردووە.
سەرۆک کۆمار لەراگەیندراوەكەدا ئاژانسی هەواڵی عێراقی(INA) كەوتووە تێیدا ڕایگەیاند: "بە خەم و پەژارەیەکی زۆرەوە، هەواڵی کۆچی دوایی زانا جەنابى سەید حوسێن محەمەد هادی سەدر (ڕەحمەتی خوای لێ بێت) مان پێگەیشت، کە نموونەی زانایەکی پایەبەرز و بیرمەندێکی ڕۆشنبیر و خاوەن ئەخلاقێکی باڵا بوو، کە شوێنەوارێکی قووڵی لە دڵی خۆشەویستان و قوتابییەکانیدا جێهێشتووە."
له راگهیندراوهكهدا سهرۆك كۆمار: "خوالێخۆشبوو بە زانستە دەوڵەمەندەکەی لە بوارە جیاجیاکاندا بەشداریی کرد، و ژیانی خۆی بۆ خزمەتکردنی ئایین و کۆمەڵگە تەرخان کرد، دەنگێکی پڕ لە دانایی و میانڕەوی بوو، و مەشخەڵێک بوو بۆ ڕێپیشاندان لە مەیدانەکانی زانست و مەعریفەدا."
لە کۆتاییدا هاتووە: "بەم بۆنە غەمناکەوە، گەرمترین سەرەخۆشی و هاوخەمی خۆمان ئاراستەی بنەماڵەی ڕێزداری ئال سەدر و کەسوکار و خۆشەویستانی کۆچکردوو دەکەین، لە خوای گەورە داواکارین سەبووری و ئارامییان پێ ببەخشێت، و خوالێخۆشبوو بە بەزەیی فراوانی خۆی شاد بکات و لە بەهەشتی بەریندا جێگیری بکات، بێگومان ئێمە هی خوداین و بۆ لای ئەویش دەگەڕێینەوە."
