بەغداد - INA
ئەمڕۆ چوارشەممە، سەرۆک کۆمار نزار ئامێدی، جەختی لە پێویستی پەرەپێدانی سیستمی دادوەری و بەرزکردنەوەی ئاستی کارکردن کردەوە، بە جۆرێک کە لەگەڵ پێداویستییەکانی قۆناغی ئێستادا بگونجێت.
فەرمانگەی ڕاگەیاندنی سەرۆکایەتی کۆمار، لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "سەرۆک کۆمار نزار ئامێدی، لە کۆشکی بەغدا پێشوازی لە وەزیری داد خالید شوانی و وەفدی هاوڕێی کرد، کە تێیدا پیرۆزباییان لە سەرۆک کرد بەبۆنەی وەرگرتنی پۆستی سەرۆک کۆمار".
بەیاننامەکە ئاماژەی بەوەشکردووە: "لە دیدارەکەدا باس لە چەندین دۆسیەی پەیوەندیدار بە کارەکانی وەزارەتی داد کراوە، و سەرۆک جەختی لە پێویستی پەرەپێدانی سیستمی دادوەری و بەرزکردنەوەی ئاستی ئەدا کردەوە، بە جۆرێک کە هاوتەریب بێت لەگەڵ پێداویستییەکانی قۆناغی ئێستا".
بەگوێرەی بەیاننامەکە، سەرۆک کۆمار جەختی کردۆتەوە لەسەر "گرنگی چەسپاندنی بنەماکانی دادپەروەری و سەربەخۆیی دەسەڵاتی دادوەری، بەو شێوەیەی کە بەشدار بێت لە چەسپاندنی سەقامگیری لە وڵاتدا".
لای خۆشیەوە، شوانی ئاماژەی بە "پەرۆشی وەزارەت بۆ جێبەجێکردنی بەرنامە چاکسازییەکانی و نوێکردنەوەی میکانیزمەکانی کارکردنی" کرد، و جەختیشی لە "بەردەوامبوون لە هەوڵەکان بۆ جێبەجێکردنی یاسا و خزمەتکردنی بەرژەوەندی گشتی" کردەوە.
