بەغدا – INA
وەزارەتی نەوت، ئەمڕۆ سێشەممە، جەختی کردەوە کە پڕۆژەی غازی "ئیبن عومەر"ی خێرا (المعجّل) لە پارێزگای بەسرە، ڕۆژانە بەرهەمێکی نێوان (٥٠٠ – ٦٠٠) تۆن غازی شل (LPG) دابین دەکات.
وەزارەتی نەوت لەراگەیندراوەكەدا ئاژانسی هەواڵی عێراقی(INA) كەوتووە تێیدا هاتووە: "عیزەت سابر ئیسماعیل، بریکاری وەزارەتی نەوت بۆ کاروباری غاز، بەسەرکردنەوەیەکی مەیدانی بۆ شوێنی خاڵی بەستنەوەی کۆتایی لە وێستگەی (NGL)ی ڕومەیلەی باکوور ئەنجامدا،" بە هاوکاری بەڕێوەبەری گشتیی کۆمپانیای غازی باشوور، عەلی سەلمان مەجید، و بەڕێوەبەری گشتیی کۆمپانیای پڕۆژە نەوتییەکان، عەلی وارد حەموود، لەگەڵ تیمی باڵای کۆمپانیای غازی بەسرە.
به گوێرهی راگهیندراوهكهبریکاری وەزارەت بۆ کاروباری غاز، عیزەت سابر ئیسماعیل جەختی کردەوە کە "پڕۆژەی وەبەرهێنانی غازی ئیبن عومەری خێرا، لە کۆتایی ئەم مانگەدا دەکەوێتە بواری کارپێکردنی ڕاستەقینەوە،" ئاماژەی بەوەش کرد کە "ئەم پڕۆژەیە هەنگاوێکی گرنگە بۆ بەهێزکردنی وەبەرهێنانی غاز و کەمکردنەوەی سووتاندنی و پاڵپشتیکردنی سیستەمی کارەبا."
ههروهها ئهوهیش هاتووه كه: "پڕۆژەکە بە خێراییەکی زۆر و بە هەوڵی نیشتمانیی هاوبەش جێبەجێ دەکرێت،" جەختیشی کردەوە کە "ئاستی هەماهەنگی نێوان هەرسێ کۆمپانیای غازی باشوور، پڕۆژە نەوتییەکان و غازی بەسرە، ئامادەییەکی باڵا نیشان دەدات بۆ وەرگرتن و چارەسەرکردنی غاز لە کاتی دیاریکراودا."
ئیسماعیل ئاماژەی بەوە کرد کە پڕۆژەکە لە قۆناغی یەکەمیدا ئەنجامی ئابووری و خزمەتگوزاری بەرچاو بەدەست دەهێنێت، و ڕوونی کردەوە: "توانای دیزاینکردنی سەرەتایی پڕۆژەکە دەگاتە وەرگرتن و چارەسەرکردنی (٧٠) ملیۆن پێ سێجا غازی خاو لە ڕۆژێکدا، ئەمەش بە شێوەیەکی ڕاستەوخۆ بەشدار دەبێت لە کەمکردنەوەی ڕێژەی سووتاندن و گۆڕینی بۆ وزەی بەرهەمهێنراو."
هەروەها وتی: "پڕۆژەکە ڕۆژانە نێوان (٥٠٠ – ٦٠٠) تۆن غازی شل (LPG) دابین دەکات، ئەمەش یارمەتیدەر دەبێت لە نەهێشتنی لۆد و دابینکردنی پێداویستیی بازاڕی ناوخۆ بۆ سووتەمەنی چێشت لێنان، جگە لە ڕەوانەکردنی نزیکەی (٨٠) ملیۆن پێ سێجا غازی وشک لە ڕۆژێکدا بۆ پاڵپشتیکردنی وێستگەکانی بەرهەمهێنانی کارەبا و جێگیرکردنی تۆڕی نیشتمانی."
بریکاری وەزارەت ئاشکراشی کرد کە "پڕۆژەکە ڕۆژانە زیاتر لە (١٨٠٠) بەرمیل چڕاوەکان (المكثفات) بەرهەم دەهێنێت، ئەمەش داهاتی ئابووری بەهێز دەکات و بەهایەکی زیادە لە وەبەرهێنانی ئەو غازە هاوەڵە بەدەست دەهێنێت کە پێشتر دەسووتا."
له كۆتایی راگهیندراوهكه ئهوهیش هاتووه كه: "پڕۆژەی غازی ئیبن عومەری خێرا، یەکێکە لە پڕۆژە زیندووەکانی ناو پلانی وەزارەتی نەوت بۆ زیادکردنی وەبەرهێنانی غازی هاوەڵ، کەمکردنەوەی پشتبەستن بە هاوردەکردن، و پاڵپشتیکردنی کەرتی کارەبا، بەجۆرێک کە بە ئەرێنی لەسەر باشترکردنی خزمەتگوزارییەکان بۆ هاووڵاتییان ڕەنگ بداتەوە."
