بەدواداچوون – INA
ئەمڕۆ دووشەممە ، سەرۆک وەزیرانی بەریتانیا کێر ستارمر، داوای کرد کە لوبنان بخرێتە ناو بڕیاری ئاگربەستەوە.
ستارمر لە وتارێکدا لەبەردەم ئەنجومەنی عەوامی بەریتانیا، کە ئاژانسی هەواڵی عێراقی (INA) بەدواداچوونی بۆ کردووە، ڕایگەیاند: "داوا دەکەین بە شێوەیەکی بەپەلە لوبنان بخرێتە ناو ئاگربەستی نێوان ویلایەتە یەکگرتووەکانی ئەمریکا و (ئیسرائیل) و ئێران"، جەختیشی کردەوە کە "ئاگربەستی نێوان ویلایەتە یەکگرتووەکانی ئەمریکا و (ئیسرائیل) و ئێران جێگەی دەستخۆشییە، بەڵام تا ڕادەیەکی زۆر فشەڵە".
ستارمر وتیشی: "ئێمە پێویستمان بە هەوڵێکی زۆر هەیە بۆ سەرلەنوێ کردنەوەی گەرووی هورمز"، ئاماژەی بەوەش کرد کە "ئێران گەرووی هورمز بەکاردەهێنێت، و دەبێت کارکردن تێیدا بەبێ هیچ مەرج یان باجێک دەست پێ بکاتەوە".
ستارمر ڕوونیکردەوە "نابێت قبوڵ بکرێت کە ئێران ئابووری جیهان وەک بارمتە بگرێت"، هاوکات ئاماژەی بەوە کرد کە "کاریگەری ڕەفتارەکانی ئێران لە گەرووی هورمز دەبێتە هۆی لێکەوتە و زیانی ئابووری گەورە".
