بەغدا – INA
سەرۆکی ئەنجومەنی نوێنەران هەیبەت حەلبوسی، و سەرۆکی هاوپەیمانی نەهجی نیشتمانی عەبدولحسێن موسەوی، جەختیان لەسەر گرنگی کۆتاییهێنان بە بارودۆخی چەقبەستوویی سیاسی و تەواوکردنی شایستە دەستوورییەکان کردەوە.
نووسینگەی ڕاگەیاندنی هاوپەیمانی نەهج لە راگهیندراوێكدا کە بۆ ئاژانسی هەواڵی عێراقی (INA ) نێردراوه تێیدا ڕایگەیاند: "سەرۆکی هاوپەیمانی نەهجی نیشتمانی عەبدولحسێن موسەوی، پێشوازی لە سەرۆکی ئەنجومەنی نوێنەران هەیبەت حەلبوسی کرد، بە ئامادەبوونی ئەندامی مەکتەبی سیاسی پەرلەمانتار زیاد عەلی فازڵ."
ههروهها ئهوهیش هاتووه كه: "دیدارەکە گفتوگۆکردنی گرنگترین پێشهاتەکانی سەر گۆڕەپانی نیشتمانی و ناوچەیی بەخۆوە بینی، کە تێیدا هەردوولا سەرکۆنەکردنی هێرشە دڕندانەکانیان دووپاتکردەوە کە بارەگاکانی هێزە ئەمنییەکان بە هەموو جۆرەکانیانەوە، و دامەزراوە زیندووەکان، و نێردە دیپلۆماسییەکان دەکەنە ئامانج، جگە لەو دەستدرێژییە شەرمەزارکراوەی کە کرایە سەر کۆماری ئیسلامی ئێران،" هاوکات جەختیان کردەوە لەسەر "ڕەتکردنەوەی لۆژیکی جەنگ و پەرەپێدانی گرژییەکان، و بانگەشەکردن بۆ پەنابردن بۆ دیالۆگ و ئامرازە دیپلۆماسییەکان لە چارەسەرکردنی قەیرانەکاندا، بە جۆرێک کە ئاسایش و سەقامگیری ناوچەکە بپارێزێت."
له گهیندراوهكه ئاماژه بهوهیش كراوه كه: "هەروەها باس لە پێویستی و گرنگی کۆتاییهێنان بە بارودۆخی چەقبەستوویی سیاسی و تەواوکردنی شایستە دەستوورییەکان کرا، لە ڕێگەی هەنگاونان بەرەو یەکلاکردنەوەی ناکۆکییەکان و پێشخستنی بەرژەوەندی گشتی، بە جۆرێک کە ببێتە هۆی هەڵبژاردنی سەرۆک کۆمار و پێکهێنانی حکومەتێک بە تەواوی دەسەڵاتەکانەوە بۆ تێپەڕاندنی ئەو تەحەدییانەی کە لە ئارادان."
