سەرچەوەگە وە ئاژانس شەفەق نیوز وت " رویداوەگە شەوەکی ئمڕوو رویدایە مەوقەی مینیگ تەقێد وە ماشین مەدەنیگ لە جویر ( نیسان پیک ئاپ) لە ناوچەی ( گرواسەنگا) سەر وە ناوچەی سێدەکان سەر وە ئیدارەی سۆران".
وتیش" رویداوەگە بویە هووکار زەخمداری دوو ژن وە ناوەیل(چیمەن سەڵاح) و ( فاتیمە حەسەن) وەگەرد پیاویگ وە ناو (نێچیرڤان سەڵاح) " دیاریکرد، گشتیان ئەرا خەسخان کلکریانە.
وەپای ئەو زانیاریەلە وردەسە مینەگە ئەندامەیل حزب پەکەگە داناسێ ک لەو ناوچە چالاکن.