بەغدا – INA
ئەنجومەنی پارێزگای ئەنبار، ئەمڕۆ سێشەممە، ڕێزی تەواوی خۆی بۆ چوارچێوە دەستووری و یاساییەکانی ڕێکخەری سنوورە ئیدارییەکانی نێوان پارێزگاکان جەخت کردەوە، لە هەمان کاتدا ئاماژەی بەوە دا کە بڕیارەکەی پارێزگای بابل سەبارەت بە سنوورە ئیدارییەکان لەگەڵ نەخشە فەرمییەکاندا ناگونجێت.
سەرۆکی ئەنجومەنەکە، حەمید دەحام عەلوانی، لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه: "بە بایەخەوە بەدواداچوونیپێداچوونەوەمان کرد بۆ ئەوەی لە دەزگاکانی ڕاگەیاندن و تۆڕە کۆمەڵایەتییەکاندا دەستاودەستی پێ دەکرێت سەبارەت بەو بڕیارەی لەلایەن ئەنجومەنی پارێزگای بابلەوە دەرچووە و تایبەتە بە خستنەپاڵی چەند ناوچەیەکی سەر بە قەزای عامریەی سەموود بۆ سەر سنوورە ئیدارییەکانی پارێزگای بابل، کە بریتین لە: کەرتی زەوییەکانی عەجیب، کەرتی حەسوەی باکوور، و کەرتی زەوییەکانی بەترە و سەخیریە."
ههر به گوێرهی راگهیندراوهكه،عەلوانی ئاماژهی بۆ ئهوهیش كرد: "ئەنجومەنی پارێزگای ئەنبار جەخت لەسەر ڕێزی تەواوی خۆی بۆ چوارچێوە دەستووری و یاساییەکانی ڕێکخەری سنوورە ئیدارییەکانی نێوان پارێزگاکان دەکاتەوە، هەروەها ڕوونی دەکاتەوە کە بڕیارەکە لەگەڵ نەخشە فەرمییە پەسەندکراوەکانی لای وەزارەتی پلان داناندا ناگونجێت، سەرباری ئەوەی زەوییە ئاماژەپێکراوەکان زەویی کشتوکاڵین و بەپێی بڕگەکانی یاساکانی عێراق دەکەونە ژێر گرێبەستی کشتوکاڵی و مافی بەکارهێنانی کارپێکراوەوە."
عەلوانی ئهوهیش وت كه: "ئەنجومەنی پارێزگا سەرجەم ڕێکارە یاسایی و ئیدارییە پێویستەکانی گرتووەتە بەر، لەوانەش ئاڕاستەکردنی نووسراو بۆ ئەنجومەنی پارێزگای بابل و داواکاری بۆ هەڵوەشاندنەوەی ئەو بڕگانەی لە بڕیارەکەدا هاتبوون کە پەیوەندییان بە ناوچە ئاماژەپێکراوەکانەوە هەیە، و چارەسەرکردنی بابەتەکە بەپێی ڕێڕەوە یاساییە کارپێکراوەکان."
عەلوانی جەختی کردەوە کە "ئەنجومەنی پارێزگای ئەنبار بەردەوام دەبێت لە بەدواداچوونی ئەم دۆسیەیە لەگەڵ لایەنە ئیتحادییە تایبەتمەندەکان، و گرتنەبەری سەرجەم ڕێکارە یاسایی و ئیدارییانەی کە پارێزگاری لە مافەکان و سنوورە ئیدارییەکانی پارێزگای ئەنبار دەکەن، بە شێوازێک کە لەگەڵ بڕگەکانی دەستوور و یاسا کارپێکراوەکاندا بگونجێت و بەرژەوەندیی گشتی بپێکێت."
عەلوانی ڕوونیشی کردەوە: "لە هەمان کاتدا، ئەنجومەنی پارێزگا داوا دەکات دیالۆگ و هەماهەنگیی دامەزراوەیی لە نێوان حکومەتە خۆجێییەکان و لایەنە ئیتحادییە تایبەتمەندەکاندا پەسەند بپڕێندرێت، بە شێوازێک کە سەقامگیریی ئیداری بەهێز بکات و پارێزگاری لە یەکپارچەیی دامەزراوەکان و ڕێزگرتن لە یاسا بکات، و ڕێگە بە هیچ ڕێکارێک نادرێت کە سەرپێچیی چوارچێوە دەستووری و یاساییەکان بکات یان دەستکاریی مافە جێگیرەکانی پارێزگاکە و هاووڵاتییانی بکات."