نەجەفی ئەشرەف - INA - حەیدەر فەرمان
بەشی گواستنەوەی تایبەت لە پارێزگای نەجەفی ئەشرەف، ئەمڕۆ سێشەممە، دەستپێکردنی جێبەجێکردنی پلانێکی گشتگیری بۆ دەستەبەرکردنی هاتوچۆی سەردانکەران لە وەرزی سەردانی ئەربەعیندا ڕاگەیاند؛ ئاماژەی بەوەش کرد کە کارکردن لە تەواوی گەراجەکانی سەر بە بەشەکە بە شێوەی شەوانەڕۆژی بەردەوام دەبێت.
جاسم غەزالی، بەڕێوەبەری بەشەکە لە لێدوانێکدا بۆ ئاژانسی هەواڵی عێراقی (INA) ڕایگەیاند: "لە مەیداندا دەست بە جێبەجێکردنی پلانی خزمەتگوزاریی گشتگیری تایبەت بە سەردانە ملیۆنییەکە کراوە،" جەختیشی کردەوە کە "ژوورێکی ئۆپراسیۆنی ناوەندی پێکهێنراوە بۆ بەدواداچوونی جووڵەی ئۆتۆمبێلەکان و چارەسەرکردنی خێرای قەرەباڵغی و حاڵەتە لەناکاوەکان."
غەزالی ئاماژەی بەوەش کرد کە "پلانەکە بەگەڕخستنی هەزاران ئۆتۆمبێلی جۆراوجۆر لە باسی گەورە، مینی باسی گواستنەوە و ئۆتۆمبێلی بچووک لەخۆدەگرێت، بە مەبەستی لەخۆگرتنی ئەو شەپۆلە گەورەیەی سەردانکەرانی ناوخۆ و دەرەوەی وڵات،" باسی لەوەش کرد کە لە مەیداندا باجی ڕێکخستن و ناساندن بەسەر ئۆتۆمبێلە بەشداربووەکاندا دابەش کراوە تاوەکو هاتوچۆیان ئاسان بێت و بە هەماهەنگی لەگەڵ لایەنە ئەمنی و هاتووچۆییەکان هاتوچۆیان لە گەراجە ڕەسمییەکاندا ڕێک بخرێت.
بەڕێوەبەری بەشی گواستنەوەی تایبەت جەختیشی کردەوە کە "کارکردن لە تەواوی گەراجەکانی سەر بە بەشەکەدا بە شێوەی ٢٤ کاتژمێری بەردەوام دەبێت، تاوەکو هۆکاری گواستنەوەی ئارام و ڕێکخراو دابین بکرێت و بەگەڕانەوەی دوا سەردانکەر بە سەلامەتی، گواستنەوەی پێچەوانەی هاووڵاتییان دوای تەواوکردنی زیارەتەکە بەبێ ئاستەنگ بەڕێوە بچێت."