بەغدا- INA
سەرۆکی دەزگای دژەتیرۆر، فەریق ڕوکن زەید حۆشی موسەوی، دوای وەرگرتنی ئەرکەکانی وەک سەرۆکی دەزگاکە، جەختی لە بەردەوامبوونی کارکردن بۆ پەرەپێدانی تواناکانی ئەمنی کردەوە، لە هەمان کاتدا ئاماژەی بەوە کرد کە ئەرکە نوێیەکەی تەنها درێژکراوەی ئەو هەوڵانەیە کە لە ئۆپراسیۆنەکانی ئازادکردن و ڕووبەڕووبوونەوەی باندە تیرۆریستییەکاندا داویەتی.
دەزگاکە لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه "فەریق ڕوکن زەید حۆشی موسەوی، ئەمڕۆ چوارشەممە ئەرکەکانی وەک سەرۆکی دەزگای دژەتیرۆر وەک لە شوێنی فەریقی یەکەمی ڕوکن کەریم ئەلتەمیمی وەرگرت."
بەپێی ڕاگەیەندراوەکە – حۆشی جەختی کردەوە کە "ئەرکە نوێیەکەی تەنها درێژکراوەی ئەو هەوڵانەیە کە لە ئۆپراسیۆنەکانی ئازادکردن و ڕووبەڕووبوونەوەی باندە تیرۆریستییەکاندا لە مەیداندا داویەتی."
ئاماژهی بهوهیش كردووه كه "بەردەوام دەبێت لە کارکردن بۆ پەرەپێدانی تواناکانی دەزگاکە لە سەرجەم ئاستەکاندا، و بەهێزکردنی ئامادەییی لە جێبەجێکردنی ئەرکە نیشتمانییەکاندا، بە جۆرێک کە بەشدار بێت لە چەسپاندنی ئاسایش و سەقامگیری، و ڕاوەدوونانی پاشماوەکانی تیرۆر، بە هەماهەنگی لەگەڵ پێکهاتە ئەمنی و سەربازییە جیاوازەکاندا."
سەرۆکی نوێی دەزگاکە دووپاتی کردەوە لە "پابەندبوونی دەزگای دژەتیرۆر بە بەردەوامبوون لە ئەنجامدانی ئەرکەکانی بە هەموو سەربەخۆیی و پیشەییبوونێکەوە، و پاراستنی دەستکەوتە ئەمنییە بەدیهاتووەکان"، و ستایشی "ئەزموونە کەڵەکەبووەکانی کارمەندانی و قوربانیدانی شەهیدە قارەمانەکانی و بریندارە سەربەرزەکانی" کرد.