بەغداد - INA
حەیدەر عەبوودی، وتەبێژی حکومەت، ئەمڕۆ سێشەممە بەرنامەی سەردانەکەی عەلی فالح زەیدی، سەرۆکی ئەنجومەنی وەزیرانی بۆ واشنتۆن ئاشکرا کرد و ئاماژەی بەوە دا کە سەردانی کۆنگرێس و وەزارەتی خەزێنە و دامەزراوە داراییەکانی ئەمریکا دەکات، هاوکات ڕوونیشیکردەوە کە کۆبوونەوەی نێوان سەرۆک وەزیران و سەرۆکی ئەمریکا لە ئەمرۆدا ئەرێنی بووە.
عەبوودی لە لێدوانێکدا بۆ بەرنامەی (المشهد) کە لە کەناڵی (العراقية الإخبارية) پێشکەش دەکرێت و ئاژانسی هەواڵی عێراقی حەیدەر عەبوودی بڵاویكردهوه كه تێیدا، ڕایگەیاند: "سەردانی سەرۆک وەزیران لەسەرۆکی شاندێکی وزاری و پیاوانی کار بۆ ویلایەتە یەکگرتووەکانی ئەمریکا سەردانێکی نائاساییە"، ئاماژەی بەوەش دا کە "ڕووداوە ئەرێنییەکەی ئەمرۆ ئەوەیە کە پەیوەندییەکانی عێراق و ئەمریکا لە کایەی ئەمنییەوە دەگوازرێتەوە بۆ کایەی ئابووری و وەبەرهێنان."
وتیشی: "شاندی عێراقی خاوەن بیروباوەڕێکی ئابوورییە کە ئامانجی پاراستنی بزووتنەوەی ئابووریی عێراق و هەناردەکردنی نەوتی عێراقە لە ڕێگەی دۆزینەوەی گەورەترین پانتایی بۆ وەبەرهێنان و گەشەپێدان"، لایەنیشی بۆ ئەوە چوو کە "دۆسیەکانی وزە و لایەنی دارایی لە کەشوهەوای لێکتێگەیشتن و ڕێککەوتنی نێوان سەرۆک وەزیران و سەرۆکی ئەمریکادا لە ئەمرۆدا ئامادەییان هەبووە."
ئاماژەی بەوەش کرد کە "کەشی کۆبوونەوەی نێوان سەرۆک وەزیران و سەرۆکی ئەمریکا لە ئەمرۆدا ئەرێنی بوو، و سەرجەم نیشانەکانی کارلێککردن لە نێوان هەردوولادا بەدی دەکران"، ڕوونیشیکردەوە کە "کارنامەی وزاریی حکومەت، لە یەکەم ساتەوە، پەرەپێدانی پەیوەندییە دەرەکییەکانی عێراقی کردووەتە ئامانج، بەتایبەتی لەگەڵ ئەو وڵاتانەی کاریگەری نێودەوڵەتییان هەیە، بە مەبەستی گەشەسەندن و هاندانی ئابووری."
باسی لەوەش کرد: "عێراق دوورە لە جەمسەرەکانی ململانێ و دەست لە کاروباری وڵاتان وەرنادات، و حکومەتیش لەم نەگۆڕانەوە دەست پێدەکات بۆ پاراستنی بەرژەوەندییەکانی دەوڵەتی عێراق"، جەختیشی کردەوە کە "ئابووری گەورەترین تەحەددییە بۆ دەوڵەتی عێراق."
ڕوونیشیکردەوە: "ئەوەی هەستمان پێکردووە و چاودێرانیش دەستنیشانیان کردووە، ئەوەیە کە ویلایەتە یەکگرتووەکانی ئەمریکا شانازی بە هاوبەشییەکانی لەگەڵ عێراقدا دەکات"، ئاماژەی بەوەش دا کە "حکومەت بە سەرۆکایەتی زەیدی، ئابووری وەک بنەمایەکی سەرەکی بۆ پەیوەندییەکانی لەگەڵ واشنتۆن دەکاتە تەوەر."
ئەوەشی خستەڕوو: "وادەیەکمان هەیە لە ٣٠ی ئەیلوولدا کە دوای ئەو ڕێکەوتە کۆتایی بە بوونی سەربازیی ئەمریکا دێت، بۆ ئەوەی پێداویستییەکانی گەشەپێدان دەستپێبکەن کە خۆیان لە هاوبەشی ئابووریی درێژخایەندا دەبیننەوە، ئەمەش لە ڕێگەی هاندانی ژینگەی وەبەرهێنان و دابینکردنی کەشێکی سەقامگیر بۆ وەبەرهێنەران"، ئاماژەی بەوەش دا کە "حکومەتی عێراق بەرەو چاکسازیی گشتگیر هەنگاو دەنێت."
جەختیشی کردەوە کە "سەردانەکەی زەیدی بۆ واشنتۆن، گرنگترین سەردانی عێراقە لەسەر ئاستی حکومەتە یەک لەدوای یەکەکانی لە ساڵی ٢٠٠٣وە تا ئێستا، چونکە لاپەڕەیەکی نوێ دادەمەزرێنێت و لایەنی ئەمنی ناکاتە تەوەری سەرەکی ئەم پەیوەندییە، بەڵکو ئابووری دەکاتە بنەما"، ئاماژەی بەوەش دا کە "ئەو پێشوازییە گەرمەی کە هەموان ئاماژەی پێدەدەن، ڕەنگدانەوەی کاریگەریی شێوازی کارکردنی حکومەتی عێراقە لە چارەسەرکردنی دۆسیە ئاڵۆزەکاندا."
ئەوەشی خستەڕوو کە "ڕووماڵی میدیایی کۆبوونەوەکەی زەیدی لەگەڵ ترەمپ بە گشتی سەرنجڕاکێش بوو، بە جۆرێک ڕۆژنامەگەریی عێراقی، عەرەبی و بیانی گرنگییەکی زۆریان بەم کۆبوونەوەیە داوە."
سەبارەت بە بەرنامەی سەردانەکە، عەبوودی ڕوونکردنەوەی دا کە "بەرنامەی سەردانی سەرۆک وەزیران لە ئەمرۆوە بە کۆبوونەوەی لەگەڵ سەرۆکی ئەمریکا دۆناڵد ترەمپ دەستیپێکرد، و دواتریش سەردانی وەزارەتی جەنگی کرد، و لە وێستگەکانی تریشدا سەردانی کۆنگرێس، وەزارەتی خەزێنە و ئەو دامەزراوە ئەمریکییانە دەکات کە بەرپرسن لە دابینکردنی دارایی."
ئاماژەی بەوەش دا کە "لە کاتژمێرەکانی داهاتوودا هەماهەنگی لە نێوان بیروڕاکان لەسەر ئاستی بانکی ناوەندی و دامەزراوە داراییەکان دەبێت، و ئەم لێکتێگەیشتنەش بە واژۆیەکی ئەرێنی لە بەرژەوەندی دامەزراوە داراییەکانی عێراقدا تاجدار دەبێت"، جەختیشی کردەوە کە "سەردانەکە شاهیدی چەندین لێکتێگەیشتن و کۆبوونەوە دەبێت کە لە بەرژەوەندی سیستەمی دارایی عێراقدان."