بەغداد - INA
دەستەی دەستپاکی فیدراڵی، ئەمڕۆ سێشەممە ڕایگەیاند کە چەند ئەفسەرێکی باڵای وەزارەتی بەرگری و پێنج ئەندازیاری بەڕێوەبەرایەتی ئیشغال دەستگیرکراون، لەسەر بنەمای گومانی بوونی گەندەڵی لە گرێبەستی نۆژەنکردنەوە، گەشەپێدان و دابینکردنی کەلوپەل بۆ نەخۆشخانەی هێزی ئاسمانی لە ناوچەی ڕوستەمیە.
دەستەکەلەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه: "توانراوە چەند ئەفسەرێکی باڵای وەزارەتی بەرگری و پێنج ئەندازیاری بەڕێوەبەرایەتی ئیشغال دەستگیربکرێن، لەسەر بنەمای گومانی بوونی گەندەڵی لە گرێبەستی نۆژەنکردنەوە، گەشەپێدان و دابینکردنی کەلوپەل بۆ نەخۆشخانەی هێزی ئاسمانی لە ڕوستەمیە."
دەستەکە بەپێی راگهیندراوهكه ڕوونکردنەوەی داوە کە "تیمی مەیدانیی پێکهاتوو بۆ وردبینیکردن و لێکۆڵینەوە لە گرێبەستەکانی وەزارەتی بەرگری، بە هاوکاری هێزەکانی پەرچەکرداری خێرا ، توانیویانە فەرمانی دەستگیرکردنی دەرکراو لەلایەن دادوەر لە دادگای لێکۆڵینەوەی تاوانەکانی دژە گەندەڵی ناوەندی دژی پلەدارانی سەربازی (لیوا، عەقید و عەمید) و پێنج ئەندازیاری بەڕێوەبەرایەتی ئیشغال جێبەجێ بکەن."
ئاماژەی بەوەش کردووە کە "ئۆپەراسیۆنەکە لە دوای ئەو پشکنین و لێکۆڵینەوانە ئەنجامدرا کە لەلایەن تیمی دەستەکەوە بۆ پێداچوونەوە و وردبینیکردنی گرێبەستە حکومییەکان پێکهێنرابوو، کە تێیدا گومانی گەندەڵی دارایی و کارگێڕی و پێشێلکاری گەورە لە ڕێکارەکانی سپاردن و نرخاندن لەو گرێبەستەدا ئاشکرا بوو کە لە نێوان بەڕێوەبەرایەتی کارە سەربازییەکان و کۆمپانیایەکی بیانی بە بڕی (٩٢،٨٨٣،٣٩٦،٢٧٠) نەوەد و دوو ملیار و هەشتسەد و هەشتا و سێ ملیۆن و سێسەد و نەوەد و شەش هەزار و دووسەد و حەفتا دیناری عێراقی واژۆ کراوە؛ بەو پێیەی گرێبەستەکە بە شێوازی ڕاستەوخۆ سپێردراوە بێ ئەوەی پەیڕەوی کێبڕکێی ئاسایی نرخەکان بکرێت، لەگەڵ هەبوونی زیادەڕۆییەکی زۆر لە نرخی چەندین بڕگەی گرێبەستەکەدا، جگە لە ئەنجامدانی گۆڕانکاری زۆر کە تێچووی خەمڵێنراوی گرێبەستەکەی بە شێوەیەکی بەرچاو بەرز کردووەتەوە."
دەستەی دەستپاکی ئاماژەی بەوەش داوە کە "کۆنووسێکی دەستبەسەرداگرتنی یاسایی بۆ ئۆپەراسیۆنەکە ڕێکخراوە، کە بەپێی حوکمەکانی ماددەی (٣٤٠) لە یاسای سزادانی عێراقی جێبەجێ کراوە، و لەگەڵ تۆمەتباران و بەڵگەنامە دەستبەسەرداگیراوەکاندا پێشکەشی دادوەری لێکۆڵینەوەی تایبەتمەند کراوە؛ بە مەبەستی تەواوکردنی ڕێکارەکانی لێکۆڵینەوە و بڕیاردان لەسەر چارەنووسی تۆمەتباران."