بەغدا – INA
دەستەی حەشدی شەعبی، ئەمڕۆ پێنجشەممە، ڕایگەیاند کە یەکێک لە ئەندامانی پاشماوەکانی چەتەکانی داعشی لە سنووری دەشتی نەینەوا دەستگیر کردووە.
بەگوێرەی ڕاگەیەندراوێکی دەستەکە کە بۆ ئاژانسی هەواڵی عێراقی (INA) نێردراوە : "مەفرەزەکانی بەشی هەواڵگریی لیوای ٣٠ لە چوارچێوەی فەرماندەیی ئۆپەراسیۆنەکانی نەینەوای حەشدی شەعبی، توانییان یەکێک لە ئەندامانی پاشماوەکانی چەتەکانی تیرۆریستی داعش لە یەکێک لە دەروازەکانی دەشتی نەینەوا دەستگیر بکەن، ئەوەش لەسەر بنەمای زانیاریی وردی هەواڵگری و بەدواداچوونی مەیدانی."
لە ڕاگەیەندراوەکەدا ئاماژە بەوە کراوە کە پڕۆسەی دەستگیرکردنەکە دوای هەوڵێکی چڕی هەواڵگری هات کە بووە هۆی دەستگیرکردنی تیرۆریست (ث. م.)، کە بەپێی ئەحکامەکانی ماددەی ٤ی تیرۆر لەلایەن دادگاوە داواکراو بووە.
حەشدی شەعبی جەختی کردەوە کە دوای تەواوکردنی ڕێکارە سەرەتاییەکان و لێکۆڵینەوەکان، تۆمەتبارەکە ڕادەستی لایەنە پەیوەندیدارەکان کراوە تاوەکو ڕێکاری یاسایی لەبەرامبەر بگیرێتە بەر و سزای دادپەروەرانەی خۆی وەربگرێت.