بەدواداچوون – INA
بەرپرسێکی ئەمریکی، ئەمڕۆ پێنجشەممە، ڕەتی کردەوە سوپای وڵاتەکەی لەم ساتەدا هیچ هێرش و بۆردومانێکی لە ناو خاکی ئێراندا ئەنجام دابێت.
کەناڵی "سی ئێن ئێن" لە زاری ئەو بەرپرسە ئەمریکییەوە بڵاوی کردەوە: "ویلایەتە یەکگرتووەکانی ئەمریکا لە ئێستادا هیچ هێرشێکی سەربازی لە ناو ئێران ئەنجام نادات."
ئەم لێدوانە لە کاتێکدایە کە ئاژانسی "مێهر"ی ئێرانی ڕایگەیاند کە دەنگی چەندین تەقینەوە لە شارەکانی بوشەهر، جەغادەک، بەندەر عەباس و چابەهار بیستراوە.
بەپێی زانیارییەکانی ئەو ئاژانسە، تەقینەوەکان شاری "کەنارەک"یشیان لە پارێزگای سیستان و بەلوچستان لە باشووری ڕۆژهەڵاتی ئێران گرتووەتەوە.
ئاژانسەکە ئاماژەی بەوەش کردووە کە ٦ تەقینەوە لە هەردوو شاری بوشەهر و جەغادەک، و ٣ تەقینەوەی دیکەش لە شاری کەنارەک ڕوویان داوە، بەبێ ئەوەی ئاماژە بە هۆکاری تەقینەوەکان یان زیانەکانیان بکات.