بەغدا – INA
محەمەد کازم ئال سادق، باڵیۆزی ئێران لە بەغدا، ئەمڕۆ پێنجشەممە، ڕایگەیاند کە بەشداریی فراوانی عێراقییەکان لە ڕێوڕەسمی بەڕێکردنی تەرمی "ئیمام سەید عەلی خامنەیی"، جوانترین وێنەی یەکڕیزی و برایەتیی نێوان هەردوو گەلی عێراق و ئێرانی بەرجەستە کرد.
ئال سادق لە هەژماری فەرمیی خۆی لە پلاتفۆرمی (X)، کە ئاژانسی هەواڵی عێراقی (INA) بەدواداچوونی بۆ کردووە، ڕایگەیاند: "سوپاس و پێزانینی قووڵی خۆم ئاڕاستەی ئەو بەشدارییە مێژوویی و شکۆدارەی بەرپرسان، سەرۆک عەشیرەتەکان، زانایانی ئایینی و تەواوی گەلی شەریفی عێراق دەکەم لە ڕێوڕەسمی بەڕێکردنی تەرمی ئیمام خامنەیی."
باڵیۆزی ئێران جەختی لەوەش کردەوە کە ئەم بەشدارییە بەرفراوانە "جوانترین وێنەی یەکڕیزی و برایەتیی نێوان هەردوو گەلی گەورەی عێراق و ئێرانی نیشانی جیهان دا.