ئاژانسی ڕۆیتەرز بە پشتبەستن بە میدیاکانی سەر بە حکومەتی سوریا بڵاویکردووەتەوە ئیمانوێل ماکرۆن سەرۆک کۆماری فەرەنسا سەردانێکی فەرمی بۆ سوریا ئەنجام دەدات و لەگەڵ ئەحمەد شەرع کۆدەبێتەوە بۆ تاوتوێکردنی ڕێگاکانی پتەوکردنی پەیوەندییە دوو قۆڵییەکان و ئەو پرسانەی کە جێی نیگەرانی هاوبەشن.
بەگوێرەی هەواڵەکە کە ڕۆژی یەکشەممە بڵاوکراوەتەوە، شاندێکی وەبەرهێنەران و نوێنەری کۆمپانیا فەرەنسییەکان لەم گەشتەدا یاوەری ماکرۆن دەبن و بەشداری کۆبوونەوەیەکی هاوبەش لەگەڵ سەرۆکی سوریا و شاندەکانی هەردوو وڵات دەکەن.
میدیاکانی سەرۆکایەتی سوریا وادەی ورد و دیاریکراوی ئەم گەشتەیان ئاشکرا نەکردووە.