بەدواداچوون-INA
ئەندریاس فلوم، جێگری وەزیری بەرگری نەرویج، ئەو ڕاپۆرتە میدیاییانەی ڕەتکردەوە کە باس لەوە دەکەن نەرویج بەڵێنی دابینکردنی مووشەکی بە ئۆکرانیا دابێت.
فلوم لە لێدوانێکدا بۆ ڕۆژنامەی "VG" ڕایگەیاند: "ئەوەی لە ڕۆژنامەکەدا هاتووە سەبارەت بەوەی نەرویج بەڵێنی دابینکردن و تێچووی مووشەکەکانی دابێت، ڕاست نییە.
ناوبراو ڕوونیکردەوە کە نەرویج تەنها ئامادەیی خۆی دەربڕیوە بۆ دابینکردنی تێچووی کڕینی مووشەکەکان، ئەگەر ئۆکرانیا خۆی بتوانێت دەستیان بخات، بەڵام ئاماژەی بەوە کرد کە ئەمە کارێکی دژوارە بەهۆی کەمیی مووشەکی بەرگری ئاسمانیی مۆدێرن لە کاتی ئێستادا.
پێشتر ئەو ڕۆژنامەیە بڵاویکردبووەوە کە نەرویج بەڵێنی داوە تێچووی کڕینی 200 مووشەک بۆ ئۆکرانیا دابین بکات کە هێشتا ئۆکرانیا دەستی نەکەوتوون.
سەرچاوە: نۆڤۆستی