نێودەوڵەتی – INA
جێگری سەرۆکی ئەمریکا، جەی دی ڤانس، دووپاتی کردەوە کە گفتوگۆ تەکنیکییەکان لەگەڵ ئێراندا پشت بەو دانوستانانە دەبەستن کە پێشتر بەڕێوەچوون، ئاماژەی بەوەش دا کە دۆناڵد ترامپ، سەرۆکی ئەمریکا دەیەوێت ڕێڕەوی دانوستانەکان بەردەوام بێت بە مەرجی هەبوونی پابەندیی شیاوی پشتڕاستکردنەوە.
ڤانس لە لێدوانێکی ڕۆژنامەوانیدا ڕایگەیاند: "پشتڕاستکردنەوەی نەهێشتنی پڕۆگرامی ئەتۆمیی ئێران دەبێت لە ڕێگەی پرۆسە بەردەوامەکانی پشکنینەوە بێت"، ڕوونیشیکردەوە کە "سەرۆک ترامپ داوای کردووە یاداشتی لێکتێگەیشتنەکە بەکاربهێنرێت بۆ دووبارە تێڕژاندنەوەی نەوت بۆ ناو ئابووریی جیهان، و پاشان هەڵسەنگاندن بۆ چۆنیەتی گەشەسەندنی بارودۆخەکە بکرێت".
وتیشی: "دوو بژاردە لەبەردەم ویلایەتە یەکگرتووەکاندایە، یان هەوڵدان بۆ گەیشتن بە ڕێککەوتنێکی مەودادرێژ لەگەڵ ئێراندا بە مەرجی گۆڕینی ڕەفتارەکانی، یان جێگیرکردنی ئەو دەستکەوتانەی کە بەدی هاتوون"، لایەنێکی تریشی خستەڕوو کە "تا ڕادەیەک ناڕوونی و نادڵنیایی هێشتا بەردەوامە، و کەس ناتوانێت بە تەواوی جێگیر بکات کە ئێرانییەکان چی دەکەن".