نێودەوڵەتی – INA
سەرۆکی پەرلەمانی ئێران، محەممەد باقر قالیباف، ئەمڕۆ سێشەممە دووپاتی کردەوە کە بەپێی یاداشتی لێکتێگەیشتنەکە، پابەندییەکی ئەمریکی هەیە بۆ ڕاگرتنی جەنگ لە دژی لوبنان و دەستەبەرکردنی (مسۆگەرکردنی) سەروەرییەکەی.
قالیباف لە لێدوانێکی ڕۆژنامەوانیدا کە ئاژانسی هەواڵی عێراقی (INA) بەدواداچوونی بۆ کردووە، ڕایگەیاند: "بەپێی یاداشتی لێکتێگەیشتنەکە، پابەندییەکی ئەمریکی هەیە بۆ ڕاگرتنی جەنگ لە دژی لوبنان و دەستەبەرکردنی سەروەرییەکەی".
قالیباف وتیشی: "بە بەشداریی هەردوو نێوەندگیری پاکستانی و قەتەری، چاودێریی جێبەجێکردنی بڕگەی ١٣ی یاداشتی لێکتێگەیشتنەکە لەگەڵ ئەمریکادا دەکەین".
ڕوونیشیکردەوە: "پێش جێبەجێکردنی بڕگەکانی ١، ٤، ٥، ١٠ و ١١ی یاداشتی لێکتێگەیشتنەکە لەگەڵ ویلایەتە یەکگرتووەکانی ئەمریکادا، دەست بە دانوستانەکانی ڕێککەوتنی کۆتایی ناکەین".
قالیباف ئاماژەی بەوەش دا: "لیژنەیەکی هاوبەش لە نێوان ئەمریکا، ئێران و لوبنان بۆ چاودێریکردنی کۆتاییهێنان بە جەنگ لە لوبنان پێکدەهێنرێت، و ئێمە بە جدی بەدواداچوون بۆ ئەم بابەتە دەکەین".