بەسرە - INA
پارێزگاری بەسرە، ئەسعەد عیدانی، ئەمڕۆ سێشەممە، یاداشتنامەیەکی لێکتێگەیشتنی لەگەڵ کۆمپانیای KBRی ئەمریکی تایبەت بە بواری وزە واژۆ کرد.
باڵیۆزخانەی ئەمریکا لە ڕاگەیەندراوێکدا کە لە پەڕەی فەرمی خۆی لە تۆڕی کۆمەڵایەتی فەیسبووک بڵاویکردووەتەوە و ئاژانسی هەواڵی عێراقی (INA) بەدواداچوونی بۆ کردووە، ڕایگەیاندووە: "پارێزگاری بەسرە، ئەسعەد عیدانی، ئەمڕۆ پێشوازی لە هاریز، کاربەڕێکەری باڵیۆزخانەی ئەمریکا کردووە لەگەڵ شاندێکی کۆمپانیای KBRی ئەمریکی."
تێیدا هاتووە: "هاریز لە کاتی دیدارەکەدا بۆ پارێزگاری دووپاتکردووەتەوە کە چاوەڕێی قووڵکردنەوەی هاوبەشی ئابووری نێوان ویلایەتە یەکگرتووەکانی ئەمریکا و عێراق دەکەن لەم ناوچەیەدا، و هەنگاونان بەرەو پێشەوە لە پابەندبوونی هاوبەشمان بۆ بەدیهێنانی ئەنجامی بەرجەستە کە سوود بە هەردوو گەلی ئەمریکی و عێراقی بگەیەنێت."
عیدانی یاداشتنامەیەکی لێکتێگەیشتنی لەگەڵ کۆمپانیای KBRی ئەمریکی واژۆ کرد کە پسپۆڕە لە بواری وزە، بۆشایی ئاسمان و تەکنەلۆژیادا.
شایەنی باسە کۆمپانیای کەی بی ئاڕ (KBR) کۆمپانیایەکی جیهانی ئەندازیاری، تەکنەلۆژیا و خزمەتگوزاری ئەمریکییە (کە پێشتر بە ناوی کیلۆگ براون ئاند ڕوت دەناسرا).
ئەم کۆمپانیایە بنکەی سەرەکی لە شاری هیۆستن لە ویلایەتی تێکساسە، و بە شێوەیەکی بەهێز لە کەرتەکانی وزە، نەوت، بەرگری و بۆشایی ئاسماندا چالاکە.