بەغدا - INA - ویسام مەلا
ئەمڕۆ دووشەممە ، باڵیۆزی یەکێتیی ئەوروپا لە عێراق، کلیمێنس سیمتنەر، جەختی کردەوە لەسەر تۆمارکردنی ئاماژەی ئەرێنی بۆ ئەدای حکومەتی عێراق لە گێڕانەوەی پارەکاندا.
سیمتنەر لە لێدوانێکدا بۆ ئاژانسی هەواڵی عێراقی (INA) ڕایگەیاند: "ئەو ئاماژانەی لە ئەدای حکومەتی نوێوە پێمانگەیشتوون سەبارەت بە گێڕانەوەی پارەکان لە ماوەیەکی کەمدا، ئەرێنی و باشن".
وتیشی: "لە ئێستادا ناتوانین حوکمی کۆتایی لەسەر ئاماژەکان بدەین، بەڵکو هێشتا کارێکی زۆر ماوە بۆ گێڕانەوەی پارەکان، چونکە قەبارەی ئەو پارانە زۆر گەورەیە، لەبەر ئەوە هێشتا چاوەڕوانین".
زیاتری خستەڕوو: "بەپێی پەیوەندییەکانمان لەگەڵ هاوبەشە نێودەوڵەتییەکان و هاوکارانمان لە نێردە دیپلۆماسییەکاندا، ئاماژەی باش هەن و دەکرێت ڕاپۆرت پێشکەش بکرێت بۆ پاڵپشتیکردنی حکومەتی عێراق تاوەکو پارەی زیاتر بگێڕێتەوە".