بەغدا - INA
عەلی فالح زەیدی، سەرۆک وەزیران، ئەمڕۆ پێنجشەممە گەیشتە پارێزگای کەربەلای پیرۆز. هاوکات لەگەڵ بەدواداچوونی مەیدانی بۆ جێبەجێکردنی ڕێکارەکانی تایبەت بە مەراسیمی زیارەتی دەیەمی موحەڕەم، ڕێنمایی دا بۆ ڕێکخستنی کاروباری موکێبەکان و دابینکردنی ئامرازەکانی گواستنەوە بۆ گەڕانەوەی سەردانیکەران.
نووسینگەی ڕاگەیاندنی سەرۆک وەزیران لە ڕاگەیەندراوێکدا کە بۆ ئاژانسی هەواڵی عێراقی (INA) نێردراوە، ڕایگەیاند: "عەلی فالح زەیدی، سەرۆک وەزیران و فەرماندەی گشتیی هێزە چەکدارەکان، ئەمڕۆ پێنجشەممە، گەیشتە شاری کەربەلای پیرۆز لە چوارچێوەی چاودێریکردنی مەیدانی بەڕێزیان بۆ بەڕێوەچوونی جێبەجێکردنی پلانە خزمەتگوزاری و ئەمنییەکانی تایبەت بە ڕێوڕەسمی زیندووکردنەوەی زیارەتی دەی موحەڕەم، بە ئامەدەبوونی ژمارەیەک بەرپرس و سەرکردەی سەربازی و ئەمنی."
ڕاگەیەندراوەکە ئاماژەی بەوەش کردووە، کە "سەرۆک وەزیران سەرپەرشتی کۆبوونەوەیەکی کرد و تێیدا گوێی لە ڕوونکردنەوەیەکی ورد گرت لەبارەی پلانە ئەمی و خزمەتگوزارییەکانی زیارەت، و جەختی لەوە کردەوە کە زیارەتی ئیمام حوسێن (سەلامی خوای لێ بێت) چیتر تەنها ڕووداوێکی ناوخۆیی نییە بەڵکو بووەتە ڕووداوێکی جیهانی و حوسێن (سەلامی خوای لێ بێت) بۆ هەموو مرۆڤایەتییە و شۆڕشەکەی لە ڕووبەڕووبوونەوەی ساختە و ڕەتکردنەوەی نادادپەروەری و بەرەنگاربوونەوەی گەندەڵی بنەماکانی ڕاستی بەرجەستە کرد."
زەیدی، بەپێی ڕاگەیەندراوەکە، جەختی لە گرنگی پێشکەشکردنی وێنەیەکی ئەرێنی بۆ ئەو ملیۆنەها زیارەتکارە کردەوە کە لە دەرەوەی عێراقەوە دێن، لە ساتەوەختی گەیشتنیانەوە تا گەڕانەوەیان، لە ڕێگەی پێشکەشکردنی باشترین خزمەتگوزاری و گرنگیدان پێیان و چاودێریکردنیان.
لەو چوارچێوەیەدا، فەرمانی ڕێکخستنی مەواکیبەکانی کرد، لەگەڵ پێویستی ڕەچاوکردنی لایەنە خزمەتگوزاری و ئەمنییەکان و ئاسانکردنی جوڵەی زیارەتکاران، بە تایبەتی لە کاتی دەستپێکردنی ڕاکردنی دەی موحەڕەم دا.
هەروەها سەرۆک وەزیران فەرمانی دابینکردنی ئامرازەکانی گواستنەوەی کرد بۆ دڵنیابوون لە گەڕانەوەی زیارەتکاران بە شێوەیەکی ئاسان دوای تەواوبوونی ڕێوڕەسمی زیارەت بەبێ دواکەوتن، و ئاماژەی بە گرنگی هەماهەنگی نێوان لایەنە پەیوەندیدارەکان و خۆبەخشەکان کرد کە لە کاتی زیارەتدا ڕۆڵی کارا دەگێڕن
لە میانی سەردانەکەیدا، سەرۆک وەزیران بەشێوەیەکی مەیدانی چەند مەوکبێکی بەسەرکردەوە و چاوی بە زیارەتکاران کەوت و سوپاس و پێزانینی خۆی بۆ ئەو هەوڵە گەورەیەی خاوەن مەواکیبەکان لە خزمەتکردنی زیارەتکاران دەربڕی